“ഒന്നാമൻ” എന്ന ചിത്രത്തിൽ ബാലതാരമായാണ് പ്രണവ് മോഹൻലാൽ സിനിമാലോകത്തേക്ക് വരുന്നത്. പിന്നീട് ഒരു ഇടവേളയ്ക്ക് ശേഷം “പാപനാശം” , “ലൈഫ് ഓഫ് ജോസൂട്ടി” എന്ന ചിത്രങ്ങളിലൂടെ ഒരു സഹ സംവിധായകനായി അദ്ദേഹം സിനിമാലോകത്തേക്ക് തിരിച്ചെത്തി.
ഇപ്പോഴിതാ പ്രണവ് സഹസംവിധായകനായി എത്തിയതിന് പിന്നിലെ യഥാർത്ഥ കാരണം വെളിപ്പെടുത്തിയിരിക്കുകയാണ് സംവിധായകൻ ജീത്തു ജോസഫ്.
ലാലേട്ടന് പ്രണവ് നടൻ ആവണമെന്നുള്ള നിർബന്ധം ഒന്നുമില്ലായിരുന്നു. എന്തെങ്കിലും ഒരു പ്രൊഫഷൻ വേണമെന്നുള്ള താത്പര്യമേ ഉണ്ടായിരുന്നുള്ളൂ. അല്ലാതെ മോഹൻലാൽ നിർബന്ധിച്ചത് കൊണ്ടൊന്നുമല്ല അയാൾ അഭിനയത്തിലേക്ക് വന്നത്.
“ലൈഫ് ഓഫ് ജോസൂട്ടി”യുടെ സമയത്ത് അസിസ്റ്റന്റ് ഡയറക്ടറായി പ്രണവ് വന്നപ്പോൾ ഡയറക്ഷനിനാലണോ താത്പര്യമെന്ന് ഞാൻ ചോദിച്ചു. ” ഒരു ബുക്ക് എഴുതാനുണ്ട് അതിന് കുറച്ച് കാശിന്റെ ആവശ്യമുണ്ട് അതിന് വേണ്ടിയാണ് വന്നതെന്നാണ്. അച്ഛന്റെ പൈസ കൊണ്ട് ഞാൻ അത് ചെയ്യില്ല” എന്നാണ് പ്രണവ് അന്ന് നൽകിയ മറുപടി.
Read more
പ്രണവിനെ ഒരു ജോലി ഏൽപിച്ചാൽ അയാളുടെ കഴിവിന്റെ പരമാവധി ഉപയോഗിച്ച് ആ ജോലി ഭംഗിയായി തന്നെ ചെയ്യും.
