2025 ലെ കാൻ ചലച്ചിത്രമേളയിൽ ഏറെ പ്രതീക്ഷയോടെ കാത്തിരുന്ന തന്റെ അരങ്ങേറ്റം നടത്തിയിരിക്കുകയാണ് ബോളിവുഡ് താരം ആലിയ ഭട്ട്. ഷിയാപരെല്ലി ഗൗണിലാണ് നടി എത്തിയത്. എന്നാൽ ചിത്രങ്ങൾ കണ്ടതോടെ ആലിയ വീണ്ടും ഗർഭിണിയാണോ എന്ന് ചോദിക്കുകയാണ് സോഷ്യൽ മീഡിയ ഉപയോക്താക്കൾ.

ലോറിയൽ പാരീസിന്റെ ലൈറ്റ്സ് ഓൺ വിമൻസ് വർത്ത് ഇവന്റിനായി നടി അർമാനി പ്രിവ് ഗൗൺ ആയിരുന്നു തിരഞ്ഞെടുത്തത്. ആലിയയുടെ കാനിലെ ലുക്ക് വൈറലായതോടെ നടി രണ്ടാമത്തെ കുഞ്ഞിനെ ഗർഭം ധരിച്ചിരിക്കാമെന്ന അഭ്യൂഹങ്ങൾ ഉയർന്നു.

‘ചില ആംഗിളുകളിൽ നിന്ന് നോക്കുമ്പോൾ അവൾ ഗർഭിണിയാണെന്ന് തോന്നുന്നു, അവളുടെ ആദ്യ രൂപം കണ്ട നിമിഷം എനിക്കും ഇതേ ചിന്ത വന്നു. എന്തുകൊണ്ടെന്ന് എനിക്കറിയില്ല, ആലിയ തിളങ്ങുകയാണ്, അവൾ ഗർഭിണിയാണ്’ എന്നൊക്കെയാണ് റെഡ്ഡിറ്റിൽ വരുന്ന കമന്റുകൾ. ‘അവൾ വീണ്ടും ഗർഭിണിയാണോ? എന്നാണ് ഒരു ഇൻസ്റ്റാഗ്രാം ഉപയോക്താവ് ചോദിച്ചത്.

അതേസമയം, ബോളിവുഡിലെ ക്യൂട്ട് കപ്പിള്‍സ് ആയ താരങ്ങള്‍ ഏറെ നാളത്തെ പ്രണത്തിന് ശേഷം 2022ല്‍ ആണ് വിവാഹിതരായത്. 2022 നവംബർ ആറിനാണ് റാഹ ജനിച്ചത്.