എന്നും ബോഡി ഷെയ്മിംഗ് ചെയ്യപ്പെട്ടിട്ടുള്ള താരമാണ് ഇന്ദ്രന്‍സ്. നാടകങ്ങളിലും സിനിമയിലും ശരീരത്തിന്റെ പേരില്‍ നേരിട്ട അവഹേളനങ്ങളെ കുറിച്ചാണ് ഇന്ദ്രന്‍സ് ഇപ്പോള്‍ തുറന്നു പറയുന്നത്. താന്‍ അഭിനയിച്ച നാടകങ്ങള്‍ ഒക്കെ പൊളിയാന്‍ കാരണം താനായിരുന്നു എന്ന് തോന്നിയിട്ടുണ്ടെന്നും ഇന്ദ്രന്‍സ് പറയുന്നുണ്ട്.
നാടക മത്സരങ്ങളിലെല്ലാം പങ്കെടുക്കാന്‍ പോകുമ്പോള്‍ ഒരുപാട് സമ്മാനങ്ങള്‍ നേടിയ നാടകങ്ങള്‍ പൊളിയുമ്പോള്‍ എനിക്ക് വിഷമം വന്നിട്ടുണ്ട്. അത് ഞാന്‍ കാരണമാണെന്ന് തോന്നിയുട്ടുണ്ട്. ദൂരെ നില്‍ക്കുന്നവര്‍ക്ക് സ്റ്റേജില്‍ തന്റെ പൊടി പോലും കാണാന്‍ കഴിയില്ലായിരുന്നു.
ഒരു നാടകത്തില്‍ താന്‍ പൊലീസുകാരനായിട്ട് ആയിരുന്നു അഭിനയിച്ചത്. ആ നാടകം കഴിഞ്ഞപ്പോള്‍ അതില്‍ കഥാപാത്രങ്ങളെ തിരഞ്ഞെടുക്കുന്നതില്‍ പരാജയപ്പെട്ടു എന്നായിരുന്നു ജഡ്ജ്മെന്റ്. അത് തന്നെ ഉദ്ദേശിച്ചാണെന്ന് അപ്പോള്‍ തന്നെ ബോധ്യമായി.
അപ്പോള്‍ മുതലാണ് താന്‍ ജിമ്മില്‍ പോയി തുടങ്ങിയത്. നാടകങ്ങളിലും സിനിമയിലുമെല്ലാം അഭിനയിക്കുന്നവരുടെ ശരീര സാന്നിധ്യത്തിന് വലിയ പ്രാധാന്യമുണ്ടെന്ന് അന്ന് മനസിലായി. പണ്ട് മാത്രമല്ല ഇപ്പോഴും തനിക്ക് അപകര്‍ഷതാ ബോധം ഉണ്ട്.
Read more
അതറിയാതെ ഇടയ്ക്ക് വരുന്നതാണ്. നല്ല വൃത്തിയുള്ള ആളുകളെല്ലാം പങ്കെടുക്കുന്ന പരിപാടിയില്‍ പങ്കെടുക്കാന്‍ ഇപ്പോഴും മടിയാണ് എന്നാണ് ഇന്ത്യന്‍ എക്‌സ്പ്രസിന് നല്‍കിയ അഭിമുഖത്തില്‍ ഇന്ദ്രസ് പറയുന്നത്.
