മലയാളികൾ ഒരുപക്ഷെ ഏറ്റവും കൂടുതൽ കാത്തിരിക്കുന്ന ഒരു ചിത്രമാണ് ദൃശ്യം 3. മോഹൻലാലിനെ നായകനാക്കി ജീത്തു ജോസഫ് സംവിധാനം ചെയ്ത ദൃശ്യത്തിന്റെ ആദ്യ രണ്ട് ഭാഗങ്ങൾ മലയാള സിനിമ പ്രേക്ഷകർ ഇരുകൈയും നീട്ടിയാണ് സ്വീകരിച്ചത്. മലയാളത്തിലെ എക്കാലത്തെയും മികച്ച ഒരു ത്രില്ലർ ചിത്രമായ ‘ദൃശ്യം’ കേരളത്തിൽ മാത്രമല്ല, ഇന്ത്യൻ സിനിമാ ചരിത്രത്തിൽ തന്നെ ക്രൈം ത്രില്ലറുകൾക്ക് ഒരു പുതിയ തിരിച്ചറിവ് നൽകി.
ഇപ്പോഴിതാ ചിത്രത്തിന്റെ മൂന്നാം ഭാഗം ചിത്രീകരണത്തിനൊരുങ്ങുമ്പോൾ അമിത പ്രതീക്ഷയോടെ സിനിമ കാണാൻ വരരുതെന്നാണ് ചിത്രത്തിന്റെ സംവിധായകൻ ജീത്തു ജോസഫ് പറയുന്നത്. ദൃശ്യം 3 നല്ലൊരു സിനിമയാണെന്നും ജോർജ് കുട്ടിയുടെ കുടുംബത്തിൽ എന്താണ് സംഭവിക്കുക എന്നും അവരുടെ ഇപ്പോഴത്തെ അവസ്ഥ എന്താണ് എന്നൊക്കെയാണ് ചിത്രം പറയുന്നതെന്നും ജീത്തു ജോസഫ് പറയുന്നു.
“ദൃശ്യം 3 നല്ലൊരു സിനിമയാണ്. അമിത പ്രതീക്ഷയോടെ വരാതിരിക്കുക. ജോർജ് കുട്ടിയുടെ കുടുംബത്തിൽ എന്താണ് സംഭവിക്കുക.. അവരുടെ ഇപ്പോഴത്തെ അവസ്ഥ എന്താണ്, എന്നൊക്കെയാണ് ‘ദൃശ്യം 3’യിലൂടെ പറയുന്നത്. അതേസമയം ജോർജുകുട്ടി എന്തെങ്കിലും ഒരു കുഴപ്പം ഉണ്ടാക്കും എന്ന സൂചന മോഹൻലാൽ നൽകിയിരുന്നു. മാധ്യമങ്ങളുടെ ചോദ്യത്തോടായിരുന്നു താരത്തിന്റെ പ്രതികരണം. ‘ജോർജുകുട്ടി എന്തെങ്കിലും ഒരു കുഴപ്പം ഉണ്ടാക്കും, പേടിക്കണ്ട’ എന്നാണ് മാധ്യമ പ്രവർത്തകയുടെ ചോദ്യത്തിന് മോഹൻലാൽ മറുപടി നൽകുന്നത്.
Read more
