പ്രേക്ഷകരുടെ പ്രിയപ്പെട്ട കൂട്ടുകെട്ടാണ് മോഹന്‍ലാലും അനൂപ് മേനോനും. ഇരുവരും ഒന്നിച്ച കനല്‍, പകല്‍ നക്ഷത്രങ്ങള്‍, മുന്തിരിവള്ളികള്‍ തളിര്‍ക്കുമ്പോള്‍ തുടങ്ങിയ ചിത്രങ്ങല്‍ ഏറെ ശ്രദ്ധിക്കപ്പെട്ടവയാണ്. ഇരുവരും ഒന്നിക്കുന്ന പുതിയ ചിത്രമാണ് ബിഗ് ബ്രദര്‍. സിദ്ദിഖ് സംവിധാനം ചെയ്യുന്ന ചിത്രത്തില്‍ മോഹന്‍ലാലിന്റെ സഹോദരനായിട്ടാണ് അനൂപ് വേഷമിടുന്നത്. മോഹന്‍ലാലിന്റെ കൂടെ അഭിനയിക്കുന്ന മനോഹരമായ അനുഭവമാണെന്നാണ് അനൂപ് മേനോന്‍ പറയുന്നത്.
“മോഹന്‍ലാലിനൊപ്പമുള്ള സിനിമകള്‍ ഞാന്‍ ഒരുപാട് ആസ്വദിച്ചാണ് ചെയ്യാറുള്ളത്. ചെയ്തിട്ടുള്ള ചിത്രങ്ങളിലെല്ലാം അദ്ദേഹത്തോടൊപ്പം കൂടുതല്‍ സമയം ചെലവഴിക്കാന്‍ ശ്രമിക്കാറുണ്ട്. അദ്ദേഹം കഥകളുടെ ഒരു കൂമ്പാരമാണ്. അതൊക്കെ കേട്ടിരിക്കാന്‍ വലിയ ഇഷ്ടമാണ് എനിക്ക്.” ടൈംസ് ഓഫ് ഇന്ത്യയുമായുള്ള അഭിമുഖത്തില്‍ അനൂപ് മേനോന്‍ പറഞ്ഞു.
Read more
സിദ്ദിഖിന്റെ സിനിമയില്‍ അഭിനയിക്കുകയെന്ന മോഹം വളരെ മുമ്പേയുണ്ടായിരുന്നു എന്നും അനൂപ് പറയുന്നു. “റാം റാജി റാവു സ്പീക്കിംഗ്, ഗോഡ് ഫാദര്‍ തുടങ്ങിയ സിനിമകള്‍ എനിക്കേറെ പ്രിയപ്പെട്ടവയാണ്. അദ്ദേഹത്തിന്റെ ചിത്രങ്ങളില്‍ നിന്നും ഒരുപാട് കാര്യങ്ങള്‍ പഠിക്കാനുണ്ട്.” അനൂപ് മേനോന്‍ പറഞ്ഞു.
