‘ഷെഫീഖിന്റെ സന്തോഷം’ സിനിമ കണ്ടിറങ്ങിയ ശേഷം ബാല മകള്‍ അവന്തികയെ കുറിച്ച് പറഞ്ഞ വാക്കുകള്‍ ചര്‍ച്ചയായിരുന്നു. തന്റെ സിനിമ ഇറങ്ങിയപ്പോള്‍ മകള്‍ കൂടെ ഉണ്ടാകണം എന്ന് ആഗ്രഹിച്ചിരുന്നു. എന്നാല്‍ ‘ഗോപി മഞ്ചൂരിയന്‍’ അതിന് സമ്മതിച്ചില്ല എന്നാണ് ബാല പറഞ്ഞത്. താന്‍ പൊലീസില്‍ കേസ് കൊടുത്തിട്ടുണ്ടെന്നും ബാല പറഞ്ഞിരുന്നു.
എന്തുകൊണ്ടാണ് ഇന്ന് പാപ്പുവിനെ അവളുടെ അച്ഛന്റെ കൂടെ വിടാതിരുന്നത്? എന്ന ഒരു കമന്റിന് മറുപടി നല്‍കിയിരിക്കുകയാണ് അമൃത സുരേഷും സഹോദരി അഭിരാമിയും. ”ഞങ്ങള്‍ പാപ്പുവിനോട് ചോദിച്ചിരുന്നു. പക്ഷെ അവള്‍ക്ക് താല്‍പര്യമില്ലായിരുന്നു. പാപ്പു തന്നെയാണ് അവളുടെ അച്ഛനോട് ഫോണിലൂടെ അക്കാര്യം നേരിട്ട് പറഞ്ഞത്” എന്നാണ് അഭിരാമി പറയുന്നത്.
പിന്നാലെ ഈ മറുപടി പങ്കുവച്ച് അമൃതയും രംഗത്തെത്തി. ”മാധ്യമങ്ങളോട് വിനീതമായൊരു അഭ്യര്‍ത്ഥന. മാധ്യമശ്രദ്ധ കിട്ടാന്‍ പാപ്പുവിനെ അനാവശ്യമായി വാര്‍ത്തകളിലേക്ക് വലിച്ചിടരുത്. അവളൊരു കുഞ്ഞ് കുട്ടിയാണ്. തന്റെ ജീവിതം സന്തോഷത്തോടെ ആസ്വദിക്കുകയാണ്.”
”വാര്‍ത്തകളിലും ഫീഡുകളിലും അഭിമുഖങ്ങളിലും അനാവശ്യമായി അവളുടെ പേര് പറഞ്ഞ് അവളെ വേദനിപ്പിക്കരുത്. അവള്‍ക്ക് പഠിത്തത്തിലും മറ്റും ശ്രദ്ധിക്കാനുണ്ട്. ഒരു അമ്മയുടെ വിനീതമായ അപേക്ഷയാണ്” എന്നാണ് അമൃത പറയുന്നത്.
Read more
ഇതിനിടെ അമൃതയുടെ ഇന്‍സ്റ്റഗ്രാം സ്റ്റോറികളും ചര്‍ച്ചകളില്‍ നിറയുന്നുണ്ട്. പിന്നോട്ട് പോകാനുള്ള ഓപ്ഷന്‍ ജീവിതത്തില്‍ ഇല്ല. അതുകൊണ്ട് പാസ്റ്റിലെ തെറ്റുകളില്‍ നിന്നും പഠിച്ചുകൊണ്ട് മുന്നോട്ടു തന്നെ നീങ്ങുക എന്ന താന്‍ തന്നെ മുമ്പൊരിക്കല്‍ പറഞ്ഞ വാക്കുകളാണ് അമൃത പങ്കുവച്ചിരിക്കുന്നത്.
