ആഷിഖ് അബു സംവിധാനം ചെയ്ത ടൊവീനോ തോമസ് ചിത്രം മായാനദി ഇപ്പോള് തിയേറ്ററുകളില് തരംഗമായിക്കൊണ്ടിരിക്കുകയാണ്. മായാനദിക്കെതിരെ സോഷ്യല് മീഡിയയില് ഉയര്ന്ന വിമര്ശനങ്ങള് മാറ്റിനിര്ത്തിയാണ് പ്രേക്ഷകര് തിയേറ്ററുകളില് എത്തുന്നത്.
സംവിധായകനായ അമല് നീരദാണ് ഈ ചിത്രത്തിന് ആധാരമായ കഥയുടെ ത്രെഡ് ആഷിഖ് അബുവിനോട് പറഞ്ഞത്. ശ്യാം പുഷ്ക്കറും ദിലീഷ് നായരും ചേര്ന്ന് ഇത് പിന്നീട് തിരക്കഥയാക്കുകയായിരുന്നു. ഇതൊരു റിയല് ലൈഫ് ഇന്സിഡന്റിനെ അടിസ്ഥാനമാക്കിയുള്ള കഥയാണെന്നായിരുന്നു അന്ന് അമല് നീരദ് പറഞ്ഞത്.
“അഞ്ചു സുന്ദരികളിലെ ഒരു കഥ എന്ന നിലയ്ക്കായിരുന്നു ഞാനിത് ആദ്യം പ്ലാന് ചെയ്തത്. ഞാന് കേട്ടിട്ടുള്ള ഒരു യഥാര്ത്ഥ ജീവിതകഥയെ അടിസ്ഥാനമാക്കിയാണ് ഈ കഥ. പിന്നീട് ഞാനത് ഹോള്ഡ് ചെയ്യുകയും കുള്ളന്റെ ഭാര്യയുമായി മുന്നോട്ടു പോകുകയും ചെയ്തു. ഈ കഥ ഞാന് ആഷിക്കുമായി പങ്കുവെച്ചു. അദ്ദേഹത്തിന് അത് ഇഷ്ടപ്പെടുകയും സംവിധാനം ചെയ്യാമെന്ന് ഏല്ക്കുകയുമായിരുന്നു. ശ്യാമും ദിലീഷും ചേര്ന്ന് തിരക്കഥാ രചനയിലാണ്” – ഇങ്ങനെയാണ് അമല് നീരദ് അന്ന് ടൈംസ് ഓഫ് ഇന്ത്യയോട് പറഞ്ഞത്.