ആരാധകര്‍ ഇതുവരെ കാണാത്ത വ്യത്യസ്തമായ ഒരു കഥാപാത്രവുമായി നടി സുസ്മിത സെന്‍. ‘താലി’ എന്ന വെബ് സീരിസില്‍ ട്രാന്സ്ജെന്ഡര് ആയാണ് സുസ്മിത സെന്‍ പറയുന്നത്. രവി ജാദവ് സംവിധാനം ചെയ്യുന്ന ഈ വെബ് സീരിസില്‍ ട്രാന്സ്ജെന്ഡര് ആക്ടിവിസ്റ്റ് ആയാണ് സുസ്മിത സെന്‍ എത്തുന്നത്.
മുംബൈയില്‍ നിന്നുള്ള ട്രാന്സ്ജെന്ഡര് ആക്ടിവിസ്റ്റായ ശ്രീഗൗരി സാവന്തിന്റെ കഥയാണ് താലി. ട്രാന്‍സ്ജെന്‍ഡേഴ്‌സിന്റെ അവകാശങ്ങള്‍ക്കായി ശ്രീഗൗരി നടത്തിയ പോരാട്ടങ്ങളും പ്രതിരോധങ്ങളുമാണ് ഈ സീരിസിന്റെ ഇതിവൃത്തം.
ദേശീയ അവാര്‍ഡ് ജേതാവ് രവി ജാദവ് സംവിധാനം ചെയ്ത വെബ് സീരീസിന്റെ തിരക്കഥ ക്ഷിതിജ് പട്വര്‍ധന്‍, അമോല്‍ ഉദ്ഗിര്‍ക്കര്‍, എഡ്വിന്‍ ഡിസൂസ എന്നിവര്‍ ചേര്‍ന്നാണ് എഴുതിയിരിക്കുന്നത്. അര്‍ജുന്‍ സിംഗ് ബാരെനും കാര്‍ത്തിക് ഡി നിഷാന്ദറും ചേര്‍ന്നാണ് സീരീസ് നിര്‍മിച്ചിരിക്കുന്നത്.
Read more
300ല്‍ അധികം ട്രാന്‍സ്ജെന്‍ഡറുകള്‍ സീരീസില്‍ വേഷമിട്ടിട്ടുണ്ട് എന്നാണ് വിവരം. അതേസമയം, ട്രാന്‍സ്ജെന്‍ഡര്‍മാരെയും എച്ച്ഐവി/എയ്ഡ്സ് ബാധിച്ചവരെയും സഹായിക്കുന്ന സഖി ചാര്‍ ചൗഗിയുടെ ഡയറക്ടറായി സേവനമനുഷ്ഠിക്കുകയാണ് ഗൗരി സാവന്ത് ഇപ്പോള്‍.
