സല്മാന് ഖാന്റെ ഫ്‌ളോപ്പ് സിനിമകള്‍ പോലും 200 കോടിക്ക് അടുത്ത് നേട്ടം ഉണ്ടാക്കിയിട്ടുണ്ടെന്ന് നടന്‍ സുനില്‍ ഷെട്ടി. സല്‍മാന്റെതായി ഒടുവില്‍ പുറത്തെത്തിയ ‘സിക്കന്ദര്‍’ എന്ന സിനിമ വരെ ഫ്‌ളോപ്പ് ആയ പശ്ചാത്തലത്തിലാണ് സുനില്‍ ഷെട്ടി സംസാരിച്ചത്. ഈ വര്‍ഷം എത്തിയ മിക്ക സിനിമകളുടെയും കളക്ഷന്‍ സല്മാന് ചിത്രങ്ങളുടെ കളക്ഷനേക്കാന്‍ കുറവായിരുന്നു എന്നാണ് സുനില്‍ ഷെട്ടി പറയുന്നത്.
”ഈ പ്ലാനറ്റില്‍ ഒരുപാട് തെറ്റിദ്ധരിക്കപ്പെട്ട മനുഷ്യനാണ് സല്മാന് ഖാന്‍. ഓരോ പ്രവര്‍ത്തിയിലും അദ്ദേഹം മറ്റൊരു തലത്തിലുള്ള മനുഷ്യനാണ്. എനിക്ക് അദ്ദേഹവുമായി നല്ലൊരു ബന്ധമുണ്ട്. പതിവായി കാണാറില്ലെങ്കിലും അദ്ദേഹത്തോട് ഒരുപാട് സ്‌നേഹവും ബഹുമാനവുമുണ്ട്. അദ്ദേഹത്തിന്റെ 200 കോടി പടം ഫ്‌ളോപ്പ് ആയി കണക്കാക്കും.”
”എന്നാല്‍ ഇന്‍ഡസ്ട്രിയിലെ പകുതിയിലേറെ പേര്‍ക്കും അതൊരു സൂപ്പര്‍ ഹിറ്റ് ആണ്. ബോക്‌സ് ഓഫീസില്‍ മോശം പ്രകടനം കാഴ്ചവയ്ക്കുന്ന സല്മാന് ചിത്രങ്ങള്‍ പോലും 200 കോടി രൂപ നേട്ടം സ്വന്തമാക്കുന്നുണ്ട്. ഈ വര്‍ഷത്തെ എല്ലാ സിനിമകളുടെയും ബോക്‌സ് ഓഫീസ് കളക്ഷന്‍ നോക്കിയാല്‍ അത് സല്മാന് സിനിമകളേക്കാള്‍ കുറവാണ്.”
”ചില സിനിമകള്‍ തിരഞ്ഞെടുക്കുമ്പോള്‍ നമുക്ക് തെറ്റ് പറ്റാറുണ്ട്. എന്നാല്‍ സല്മാന് ഹൃദയം കൊണ്ടാണ് പ്രവര്‍ത്തിക്കുന്നത്. സല്മാന് നല്ലൊരു സിനിമ കിട്ടുമ്പോള്‍ അത് മാജിക് ഉണ്ടാക്കും” എന്നാണ് സുനില്‍ ഷെട്ടി ഒരു അഭിമുഖത്തില്‍ പറഞ്ഞിരിക്കുന്നത്. അതേസമയം, എആര്‍ മുരുഗദോസിന്റെ സംവിധാനത്തില്‍ എത്തിയ സല്‍മാന്റെ സിക്കന്ദര്‍ ബോക്‌സ് ഓഫീസില്‍ വന്‍ പരാജയമായിരുന്നു.
Read more
ആഗോള ബോക്‌സ് ഓഫീസില്‍ നിന്ന് 141.15 കോടി സിനിമ നേടിയെന്നാണ് നിര്‍മ്മാതാക്കള്‍ അവകാശപ്പെടുന്നത്. പ്രേക്ഷകരില്ലാത്തതിനാല്‍ സിക്കന്ദറിന്റെ ചില ഷോകള്‍ റദ്ദാക്കപ്പെട്ടതായി ചലച്ചിത്ര നിരൂപകന്‍ അമോദ് മെഹ്റ നേരത്തെ റിപ്പോര്‍ട്ട് ചെയ്തിരുന്നു. രശ്മിക മന്ദാന, സത്യരാജ്, ഷര്‍മാന്‍ ജോഷി, പ്രതീക് ബബ്ബര്‍, കാജല്‍ അഗര്‍വാള്‍ എന്നിങ്ങനെ വന്‍ താരനിരയും സിനിമയില്‍ ഉണ്ടായിുരുന്നു.
