വ്യത്യസ്ത ഫാഷന്‍ ചോയ്‌സിലൂടെ ബോളിവുഡ് താരം രണ്‍വീര്‍ സിങ് സോഷ്യല്‍ മീഡിയയില്‍ ശ്രദ്ധ നേടുകയാണ്. സാധാരണയുള്ള ഫാഷന്‍ സങ്കല്‍പങ്ങളില്‍ നിന്ന് വേറിട്ടുനില്‍ക്കുന്ന വസ്ത്രങ്ങളാണ് രണ്‍വീര്‍ പലപ്പോഴും തിരഞ്ഞെടുക്കാറുള്ളത്. വെള്ള നിറത്തിലുള്ള സാറ്റിന്‍ ഷര്‍ട്ടും പാന്റും ധരിച്ച രണ്‍വീറിന്റെ ചിത്രങ്ങളും വീഡിയോയുമാണ് ശ്രദ്ധ നേടുന്നത്.
ഇതിനൊപ്പം വെള്ള നിറത്തിലുള്ള ഹീല്‍സും രണ്‍വീര്‍ ധരിച്ചിട്ടുണ്ട്. അമേരിക്കന്‍ ആഡംബര ജ്വല്ലറി ബ്രാന്‍ഡായ ടിഫാനിയുടെ ഡയമണ്ട് നെക്ക്ളേസും താരം ധരിച്ചിട്ടുണ്ട്. ഏകദേശം രണ്ട് കോടി രൂപയാണ് ഈ നെക്ക്ളേസിന്റെ വില.
View this post on Instagram
മുംബൈ ജിയോ വേള്‍ഡ് പ്ലാസയില്‍ നടന്ന ടിഫാനിയുടെ പുതിയ സ്റ്റോര്‍ ലോഞ്ചിന് എത്തിയപ്പോഴായിരുന്നു താരത്തിന്റെ പുതിയ ഫാഷന്‍ പരീക്ഷണം. ബോളിവുഡിലെ ഉര്‍ഫി, ഉര്‍ഫി ജാവേദിന്റെ പുരുഷരൂപം എന്നുമുള്ള വിമര്‍ശന കമന്റുകളും സോഷ്യല്‍ മീഡിയയില്‍ ഉയരുകയാണ്.
View this post on Instagram
എന്നാല്‍ താരം ഇതിനോടൊന്നും പ്രതികരിച്ചിട്ടില്ല. ഏത് തരം വസ്ത്രം ധരിക്കാന്‍ രണ്‍വീറിന് മടിയില്ല. ഫെമിനിന്‍ ലുക്ക് തോന്നിക്കുന്ന നിറങ്ങളിലുള്ള വസ്ത്രങ്ങളും ആഭരണങ്ങളുമൊക്കെ രണ്‍വീര്‍ പല വേദികളിലും ധരിച്ചിട്ടുണ്ട്. ജെന്‍ഡര്‍ ന്യൂട്രല്‍ വസ്ത്രങ്ങള്‍ക്ക് പ്രാധാന്യം നല്‍കുന്ന നടന്‍ എന്നും രണ്‍വീര്‍ അറിയപ്പെടുന്നുണ്ട്.
Read more
ബാര്‍ബികോര്‍ ട്രെന്‍ഡില്‍ പിങ്ക് നിറത്തിലുള്ള വസ്ത്രം ധരിച്ചെത്തിയ ആദ്യത്തെ ബിടൗണ്‍ സെലിബ്രിറ്റികളില്‍ ഒരാളും രണ്‍വീര്‍ ആണ്. അതേസമയം, സിങ്കം എഗെയ്ന്‍ എന്ന ചിത്രമാണ് താരത്തിന്റെതായി ഇനി റിലീസിന് ഒരുങ്ങുന്നത്. ഭാര്യ ദീപിക പദുക്കോണും ഈ ചിത്രത്തില്‍ വേഷമിടുന്നുണ്ട്. രോഹിത് ഷെട്ടിയാണ് സംവിധാനം.
