വിവാദങ്ങളും ബഹിഷ്‌ക്കരണാഹ്വാനങ്ങളും ഏല്‍ക്കാതെ ഷാരൂഖ് ഖാന്‍-ദീപിക പദുക്കോണ്‍ ചിത്രം ‘പത്താന്‍’. ബഹിഷ്‌ക്കരണാഹ്വാനങ്ങളും വിലക്കും നിലനില്‍ക്കെ ലിമിറ്റഡ് അഡ്വാന്‍സ് ബുക്കിങ്ങില്‍ മികച്ച പ്രതികരണമാണ് ചിത്രം നേടിയിരിക്കുന്നത്. ഒരു ദിവസം കൊണ്ട് തന്നെ ചിത്രം കോടികളാണ് നേടിയിരിക്കുന്നത്.
1.70 കോടിയോളം രൂപയാണ് മുന്‍കൂര്‍ ബുക്കിങ് വഴി സിനിമ നേടിയിരിക്കുന്നത്. മുന്‍കൂര്‍ ബുക്കിംഗ് തുറന്ന് മണിക്കൂറുകള്‍ക്കകം ആണ് ചിത്രം ഈ നേട്ടം സ്വന്തമാക്കിയിരിക്കുന്നത്. 20ന് ആണ് ചിത്രത്തിന്റെ ഇന്ത്യയിലെ അഡ്വാന്‍സ് ടിക്കറ്റ് റിസര്‍വേഷന്‍ ആരംഭിക്കുക.
ലിമിറ്റഡ് അഡ്വാന്‍സ് ബിക്കിംഗില്‍ തന്നെ കോടികള്‍ നേടിയ ചിത്രം ഹൗസ് ഫുള്‍ ആയി തന്നെ ഓടും എന്നാണ് ട്രേഡ് അനലിസ്റ്റുകള്‍ വ്യക്തമാക്കുന്നത്. അതേസമയം, ജര്‍മ്മനിയില്‍ പ്രീ ബുക്കിങ്ങിലൂടെ പത്താന്‍ 1,50,000 യൂറോ നേടിയിട്ടുണ്ട്. ഇതോടെ ‘കെജിഎഫ് 2’ന്റെ ലൈഫ് ടൈം കളക്ഷന്‍ ആണ് ഷാരൂഖ് ഖാന്‍ ചിത്രം തകര്‍ത്തിരിക്കുന്നത്.
Blockbuster Advance Booking #Pathaan Film Has Sold Tickets Worth ₹ 1.70cr For The Opening Day. #PathaanAdvanceBooking #ShahRukhKhan. pic.twitter.com/wz7nQivhsJ
— Vishwajit Patil (@_VishwajitPatil) January 19, 2023
1,44,000 യൂറോയാണ് കെജിഎഫ് 2വിന്റെ കളക്ഷന്‍. 1,55,000 യൂറോ നേടി മണിരത്നത്തിന്റെ പൊന്നിയിന്‍ സെല്‍വനാണ് ഒന്നാമത്. ജനുവരി 25-ന് പത്താന്‍ തിയറ്ററുകളില്‍ എത്തും. ‘ബേശരം രംഗ്’ എന്ന ഗാനരംഗത്തില്‍ ദീപിക കാവി നിറത്തിലുള്ള ബിക്കിനി അണിഞ്ഞ് എത്തിയതാണ് വിവാദങ്ങളുടെ തുടക്കം.
Read more
വിവാദങ്ങള്‍ നിലനില്‍ക്കെ ഗംഭീര പ്രതികരണങ്ങള്‍ നേടുന്ന സിനിമ ബോളിവുഡിനെ സംബന്ധിച്ച് ഏറെ പ്രതീക്ഷ നല്‍കുന്നതാണ്. തുടര്‍ പരാജയങ്ങളായിരുന്നു ബോളിവുഡ് ഈയടുത്ത കാലത്തായി നടന്നത്. സൂപ്പര്‍ താര സിനിമകള്‍ വരെ ഫ്‌ളോപ്പ് ആയിരുന്നു. അതിനാല്‍ തന്നെ ഷാരൂഖ് ഖാന്‍ ബോളിവുഡിനെ കൈപ്പിടിച്ചുയര്‍ത്തും എന്നാണ് വിശ്വസിക്കുന്നത്.
