പ്രണയത്തെ കുറിച്ച് തുറന്നു പറഞ്ഞ് നടി മല്ലിക ഷെരാവത്ത്. തന്റെ ജീവിത രീതിയെ കുറിച്ചും ബോയ്ഫ്രണ്ടിന്റെ പരാതിയെ കുറിച്ചുമാണ് മല്ലിക ഇപ്പോള്‍ തുറന്നു പറഞ്ഞിരിക്കുന്നത്. താന്‍ വളരെ കാലമായി ഒരാളുമായി അടുപ്പത്തിലാണെന്നും അയാള്‍ക്കൊപ്പം ഒരു നല്ല ഭാവി ജീവിതം സ്വപ്നം കാണുന്നുവെന്നും അടുത്തിടെയാണ് മല്ലിക വെളിപ്പെടുത്തിയത്.
താനിപ്പോള്‍ പ്രണയത്തിലാണ്. തന്റെ കരിയറിന്റെ തുടക്കത്തില്‍ തിരക്കിട്ട് ജോലി ചെയ്യുകയായിരുന്നു. ഇപ്പോള്‍ തന്റെ ജീവിതത്തില്‍ വളരെ സുഖപ്രദമായ ഒരിടത്താണ്, സ്‌നേഹം അതില്‍ വലിയൊരു പങ്ക് വഹിക്കുന്നു. തനിക്ക് പാര്‍ട്ടി സംസ്‌കാരം തീരെ ഇഷ്ടമല്ല. ആത്മീയതയില്‍ ഊന്നിയ സമഗ്രമായ ഒരു ജീവിത രീതിയാണ് ഇഷ്ടപ്പെടുന്നത്.
തനിക്ക് നേരത്തെ ഉറങ്ങാന്‍ ഇഷ്ടമാണ്. തന്റെ ബോയ്ഫ്രണ്ട് പരാതി പറയാറുണ്ട്, ‘ദൈവമേ! നീയെന്താ കന്യാസ്ത്രീ ആണോ? നീയെപ്പോഴും നേരത്തെ ഉറങ്ങുന്നു, എന്താണ് നിനക്ക് കുഴപ്പം?’ എന്നാണ് ബോയ്ഫ്രണ്ട് പറയാറുള്ളത് എന്നാണ് മല്ലിക ‘ദി ലവ് ലാഫ്’ എന്ന ലൈവ് ഷോയ്ക്കിടെ തുറന്നു പറഞ്ഞത്. 1997ല്‍ പൈലറ്റ് കരണ്‍ സിംഗ് ഗില്ലിനെ വിവാഹം കഴിച്ച മല്ലിക പിന്നീട് വിവാഹമോചനം നേടിയിരുന്നു.
Read more
2003ല്‍ പുറത്തിറങ്ങിയ ഖ്വായിഷ് എന്ന ചിത്രത്തിലൂടെയായിരുന്നു മല്ലികയുടെ സിനിമാ അരങ്ങേറ്റം. തുടര്‍ന്ന് മര്‍ഡര്‍, ജാക്കിച്ചാനൊപ്പം ദ മിത്ത്, പ്യാര്‍ കെ സൈഡ് ഇഫക്ട്‌സ്, കമലഹാസനൊപ്പം ദശാവതാരം, ഗുരു, ഡേര്‍ട്ടി പൊളിറ്റിക്‌സ് എന്നിങ്ങനെ മുപ്പതിലേറെ സിനിമകളില്‍ മല്ലിക വേഷമിട്ടു.
