ഓസ്‌കര്‍ ജേതാവായ മെറില്‍ സ്ട്രീപ്പിനേക്കാള്‍ മികച്ച നടി എന്ന് സ്വയം വിശേഷിപ്പിച്ചതിന് ശേഷം, ടോം ക്രൂയിസിനേക്കാള്‍ നന്നായി ആക്ഷന്‍ ചെയ്യുമെന്ന് നടി കങ്കണ റണൗട്ട്. ബ്രേവ് ഹാര്‍ട്ട് അടക്കമുള്ള ഹോളിവുഡ് ചിത്രങ്ങളുടെ ആക്ഷന്‍ സംവിധായകന്‍ തന്നോട് ഇത് പറഞ്ഞിട്ടുണ്ടെന്നും കങ്കണ കുറിച്ചു.
ഇതോടെ കങ്കണയെ പരിഹസിച്ച് പ്രശാന്ത് ഭൂഷണ്‍ അടക്കം നിരവധി പേര്‍ രംഗത്തെത്തി. മണികര്‍ണിക: ക്വീന്‍ ഓഫ് ജാന്‍സി എന്ന ചിത്രത്തില്‍ ഡമ്മി കുതിരയുടെ പുറത്തിരുന്ന് അഭിനയിക്കുന്ന വീഡിയോ പങ്കുവെച്ചാണ് പ്രശാന്ത് ഭൂഷണിന്റെ ട്വീറ്റ്.
പ്രശാന്ത് ഭൂഷണിന് മറുപടിയുമായും കങ്കണ രംഗത്തെത്തി. യഥാര്‍ത്ഥ കുതിരയുടെ പുറത്ത് സവാരി ചെയ്യുന്ന വീഡിയോയാണ് കങ്കണ പങ്കുവെച്ചിരിക്കുന്നത്. സിനിമകളില്‍ ട്രിക്കുകള്‍ ഉപയോഗിച്ചിട്ടുണ്ടെങ്കിലും യഥാര്‍ത്ഥത്തില്‍ തനിക്ക് കുതിരസവാരി ചെയ്യാന്‍ അറിയാം എന്നാണ് കങ്കണയുടെ ട്വീറ്റ്.
It’s true many tricks are used for filming action sequences but if you are implying I couldn’t ride a horse while playing legendary Laxmi Bai who was a great horse rider no I won’t accept that, watch, now you will say I am again bragging as a matter of fact I ride pretty well 🙂 pic.twitter.com/r7Ewn18Hgd
— Kangana Ranaut (@KanganaTeam) February 9, 2021
Read more
തന്നേക്കാള്‍ ബുദ്ധിയും അഭിനയശേഷിയുമുള്ള നടിമാര്‍ ഈ ലോകത്ത് ഉണ്ടെങ്കില്‍ താന്‍ അഹങ്കാരം അവസാനിപ്പിക്കാം എന്നായിരുന്നു കങ്കണ ഇന്നലെ ട്വീറ്റ് ചെയ്തത്. പല തരത്തിലുള്ള കഥാപാത്രങ്ങള്‍ ചെയ്യാന്‍ മെറില്‍ സ്ട്രീപ്പിനോളം കഴിവ് തനിക്കുണ്ട്. ഗാല്‍ ഗഡോട്ടിനെ പോലെ ആക്ഷനും ഗ്ലാമറും ഒരുമിച്ചു ചെയ്യാനും തനിക്ക് കഴിയും എന്നും കങ്കണ പറയുന്നു.
