ബോക്‌സ് ഓഫീസിലും താന്‍ കിംഗ് ആണെന്ന് തെളിയിച്ച് ഷാരൂഖ് ഖാന്‍. തുടര്‍ച്ചയായി രണ്ട് ഷാരൂഖ് ചിത്രങ്ങളാണ് ആയിരം കോടി എന്ന നേട്ടത്തിലേക്ക് എത്തിയിരിക്കുന്നത്. ‘പഠാന്‍’ എന്ന സൂപ്പര്‍ ഹിറ്റിന് പിന്നാലെ ‘ജവാന്’ സിനിമയും 1000 കോടി ക്ലബ്ബില്‍ കയറിയിരിക്കുകയാണ്.
1004.92 കോടിയാണ് ഇതുവരെയുള്ള സിനിമയുടെ വേള്‍ഡ്വൈഡ് കളക്ഷന്‍. നിര്‍മാതാക്കളായ റെഡ് ചില്ലീസ് തന്നെയാണ് ഔദ്യോഗിക കളക്ഷന്‍ റിപ്പോര്‍ട്ട് പുറത്തുവിട്ടത്. ഇതോടെ ആയിരം കോടി ക്ലബ്ലില്‍ ഇടം നേടിയ സിനിമയുള്ള ഏക തമിഴ് സംവിധായകനായി അറ്റ്ലിയും മാറി.
History in the maKING ft. Jawan! 🔥
Have you watched it yet? Go book your tickets now! https://t.co/B5xelU9JSg
Watch #Jawan in cinemas – in Hindi, Tamil & Telugu. pic.twitter.com/rhJSF0vdsw
— Red Chillies Entertainment (@RedChilliesEnt) September 25, 2023
ചിത്രം ഇന്ത്യയില്‍ നിന്നു മാത്രം നേടിയത് 500 കോടിയാണ്. കേരളത്തിലും തമിഴ്‌നാട്ടിലും ചിത്രത്തിന് മികച്ച പ്രതികരണമാണ് ലഭിച്ചത്. കേരളത്തിലും ഒരു ഹിന്ദി ചിത്രത്തിന് ലഭിക്കുന്ന ഉയര്‍ന്ന കളക്ഷനാണ് ജവാന് നേടിയത്. 1050.30 കോടിയാണ് പഠാന്‍ ആഗോളതലത്തില്‍ നേടിയത്.
27 ദിവസം കൊണ്ടായിരുന്നു പഠാന്‍ ആയിരം കോടിയിലേക്ക് എത്തിയത്. എന്നാല്‍ വെറും 18 ദിവസം കൊണ്ടാണ് ജവാന് ആയിരം കോടി ക്ലബ്ബില്‍ കയറിയിരിക്കുന്നത്. സെപ്റ്റംബര്‍ 7ന് ആണ് ജവാന് റിലീസ് ചെയ്തത്. നയന്‍താര നായികയായ ചിത്രത്തില്‍ വിജയ് സേതുപതിയാണ് വില്ലനായി വേഷമിട്ടത്.
Read more
കാമിയോ റോളിലെത്തിയ ദീപിക പദുക്കോണ്‍ ചിത്രത്തില്‍ ഏറെ ശ്രദ്ധ നേടിയിരുന്നു. അനിരുദ്ധ് രവിചന്ദറാണ് ചിത്രത്തിന് സംഗീതം ഒരുക്കിയത്. പ്രിയാമണി, സാന്യ മല്‍ഹോത്ര, ലെഹര്‍ ഖന്‍, സഞ്ജീത ഭട്ടാചാര്യ, റിദ്ധി ദോഗ്ര, സുനില്‍ ഗ്രോവര്‍, ഗിരിജ തുടങ്ങി നിരവധി താരങ്ങള്‍ ചിത്രത്തില്‍ വേഷമിട്ടിട്ടുണ്ട്.
