ബോളിവുഡില്‍ പരിനീതി ചോപ്രയാണ് ഇപ്പോള്‍ ഹോട്ട് ടോപിക്. താരം പ്രണയത്തിലാണെന്ന ഗോസിപ്പുകള്‍ പലപ്പോഴും വരാറുണ്ട്. എന്നാല്‍ പരനീതിയുടെ യഥാര്‍ത്ഥ പ്രണയം കണ്ടെത്തിയെന്നാണ് സോഷ്യല്‍ മീഡിയ ഇപ്പോള്‍ അവകാശപ്പെടുന്നത്.
ആം ആദ്മി പാര്‍ട്ടി നേതാവായ രാഘവ് ഛദ്ദയും പരനീതി ചോപ്രയും പ്രണയത്തിലാണെന്ന അഭ്യൂഹങ്ങളാണ് ഇപ്പോള്‍ പ്രചരിച്ചു കൊണ്ടിരിക്കുന്നത്. ഇരുവരും ഒന്നിച്ച് ഭക്ഷണം കഴിക്കാനെത്തിയ വീഡിയോ പുറത്തു വന്നതോടെയാണ് സോഷ്യല്‍ മീഡിയയില്‍ ചര്‍ച്ചകള്‍ ആരംഭിച്ചത്.
ബുധനാഴ്ച രാത്രി ഗൊരേഗാവിലെ ഹോട്ടലില്‍ വച്ചായിരുന്നു ഇരുവരും പാപ്പരാസികളുടെ ക്യാമറയില്‍ പെട്ടത്. അടുത്ത ദിവസം ബാന്ദ്രയില്‍ വച്ചും ഇരുവരും കണ്ടുമുട്ടി. പരിനീതിയുമായുള്ള ബന്ധം രാജ്യസഭയിലും രാഘവിന് നല്‍കിയ ചെയര്‍മാന്റെ മറുപടിയിലും കടന്നുവന്നു.
Raghav Chadha & Parineeti Chopra – Kuch Toh hua hai, Kuch Ho raha hai 🤭#RaghavChadha #parineetichopra pic.twitter.com/L0K6a9m1mE
— Rosy (@rose_k01) March 23, 2023
സോഷ്യല്‍ മീഡിയയില്‍ നിങ്ങള്‍ ഇതിനോടകം ആവശ്യത്തിനിടം കൈവരിച്ചിട്ടുണ്ട് എന്നായിരുന്നു സംഭവത്തില്‍ രാജ്യസഭ ചെയര്‍മാന്‍ ജഗ്ദീപ് ധന്‍കറിന്റെ പരിഹാസം. എന്നാല്‍ പരിനീതിയുമായുള്ള ബന്ധത്തെക്കുറിച്ചുള്ള മാധ്യമപ്രവര്‍ത്തകരുടെ ചോദ്യത്തോട് രാഘവ് പ്രതികരിച്ചിട്ടില്ല.
Read more
തന്നോട് രാഷ്ട്രീയത്തെ കുറിച്ചുള്ള ചോദ്യങ്ങള്‍ ചോദിക്കാനായിരുന്നു രാഘവ് മാധ്യമങ്ങള്‍ക്ക് നല്‍കിയ മറുപടി. ഈ വിഷയത്തില്‍ പരനീതിയും പ്രതികരിച്ചിട്ടില്ല. അതേസമയം, ‘ചംക്കീല’, ‘ക്യാപ്‌സൂള്‍ ഗില്‍’ എന്നീ സിനിമകളാണ് പരിനീതിയുടെതായി ഇനി റിലീസിന് ഒരുങ്ങുന്നത്.
