ഓണ്‍ലൈന്‍ മദ്യ വിതരണ പോര്‍ട്ടലിന്റെ പേരില്‍ കബളിപ്പിക്കപ്പെട്ടുവെന്ന് നടി ശബാന ആസ്മി. ലിവിംഗ് ലിക്വിഡ് എന്ന പോര്‍ട്ടലില്‍ മദ്യം ഓര്‍ഡര്‍ ചെയ്തുവെന്നും പിന്നീട് തന്റെ കോളുകള്‍ എടുക്കുന്നില്ല എന്നാണ് ശബാന ആസ്മി പറയുന്നത്. മദ്യം ഓര്‍ഡര്‍ ചെയ്ത് പണം അടച്ചതിന്റെ വിവരങ്ങള്‍ അടക്കം പങ്കുവച്ചാണ് ശബാന ആസ്മി ട്വീറ്റ് ചെയ്തിരിക്കുന്നത്.
“”സൂക്ഷിക്കുക, ഞാന്‍ കബളിപ്പിക്കപ്പെട്ടു. ലിവിംഗ് ലിക്വിഡില്‍ ഞാന്‍ ഓര്‍ഡര്‍ ചെയ്തു, പണം അടച്ചതിന് ശേഷം അവര്‍ എന്റെ കോളുകള്‍ എടുക്കുന്നില്ല”” എന്നാണ് ശബാന ആസ്മി ട്വീറ്റ് ചെയ്തിരിക്കുന്നത്. പണം അടച്ച അക്കൗണ്ട് നമ്പറും എഎഫ്എസ്‌സി കോഡും അടക്കം ഇതിനൊപ്പം പങ്കുവച്ചിട്ടുണ്ട്.
എത്ര രൂപയാണ് നഷ്ടമായത് എന്ന് താരം വ്യക്തമാക്കിയിട്ടില്ല. തുടര്‍ന്ന് വ്യാജന്‍മാരാണ് തന്റെ പണം തട്ടിയതെന്നും ലിവിംഗ് ലിക്വിഡുമായി ഇവര്‍ക്ക് ബന്ധമില്ലെന്നും വ്യക്തമാക്കി ശബാന ആസ്മി രംഗത്തെത്തി.
“”ലിവിംഗ് ലിക്വിഡ് എന്ന പോര്‍ട്ടലിന്റെ ഉടമകളുമായി ബന്ധപ്പെട്ടു. എന്റെ പണം തട്ടിയവര്‍ വ്യാജന്‍മാരാണ്. മുംബൈ പൊലീസിലും സൈബര്‍ സെല്ലിലും പരാതി നല്‍കാന്‍ പോവുകയാണ്” എന്ന് നടി വ്യക്തമാക്കി.
Finally traced the owners of @living_liquidz & it turns out that the people who cheated me are fraudsters who have nothing to do with Living Liquidz! I urge @mumbaipolice and @cybercrime to take action to stop these crooks from using names of legitimate businesses & scamming us https://t.co/AUobsRg0on
— Azmi Shabana (@AzmiShabana) June 24, 2021
Read more
