കൊഴുപ്പടങ്ങിയ ഭക്ഷണം കഴിച്ചു കൊണ്ട് തന്നെ എളുപ്പത്തില്‍ വണ്ണം കുറയ്ക്കണോ; എങ്കില്‍ ഈ ഡയറ്റ് പിന്തുടരാം

Gambinos Ad

എന്ത് കഠിനാധ്വാനം ചെയ്തും ഭാരം കുറയ്ക്കാന്‍ കഷ്ടപ്പെടുന്നവരുണ്ട്.  ഡയറ്റിംഗ് നടത്തിയിട്ടായാലും വ്യായാമം ചെയ്തിട്ടായാലും വണ്ണം കുറയ്ക്കാന്‍ മിക്കവരും തയ്യാറാണ്. ശരീരഭാരം കുറയ്ക്കാൻ പറ്റാവുന്ന പണിയൊക്കെ ചെയ്തിട്ടും വിഷമത്തിലായവര്‍ക്ക് ഇതാ ഒരു സന്തോഷവാര്‍ത്ത. നിങ്ങളുടെ ആഗ്രഹം പോലെ എളുപ്പത്തില്‍ ഭാരം കുറയ്ക്കാന്‍ കീറ്റോ ഡയറ്റ് നിങ്ങളെ സഹായിക്കും.  ഇന്ന് മലയാളികൾക്കിടയിൽ ഏറെ പ്രചാരം കിട്ടി കൊണ്ടിരിക്കുന്ന ഡയറ്റിങ് രീതിയാണ് ലോ കാർബ് ഹൈ ഫാറ്റ് ഡയറ്റ് അഥവാ കീറ്റോ ഡയറ്റ്.

Gambinos Ad

അന്നജത്തിന്റെ അളവ് വളരെ കുറച്ചും അതെ സമയം കൊഴുപ്പിന്റെ അളവ് കൂട്ടിയുമുള്ള ഭക്ഷണ ക്രമമാണ് കീറ്റൊ ഡയറ്റ്. സാധരണ നമ്മുടെ ഭക്ഷണ ക്രമത്തിൽ, ദിവസവും ആവശ്യമായ ഊർജ്ജത്തിന്റെ 50-60 % അന്നജത്തിൽ നിന്നും, 15-25% മാംസ്യത്തിൽ നിന്നും, ബാക്കി കൊഴുപ്പിൽ നിന്നും ആണ് വരേണ്ടത് എന്നാണു ഒരു കണക്ക്. എന്നാൽ കീറ്റോ ഡയറ്റിൽ 10% ഊർജ്ജം മാത്രമേ അന്നജത്തിൽ നിന്നും കിട്ടൂ. ഭൂരിഭാഗം ഊർജ്ജവും കൊഴുപ്പിൽ നിന്നായിരിക്കും. അതായത് കൊഴുപ്പടങ്ങിയ ഭക്ഷണം കഴിച്ചു കൊണ്ട് തന്നെ എങ്ങനെ തടി കുറയ്ക്കാന്‍ സഹായിക്കും.

സാധരണ നമ്മൾ കഴിക്കുന്ന ഭക്ഷണത്തിൽ നിന്ന് ഗ്ളൂക്കോസ് ഉണ്ടായി അതാണ് കോശങ്ങൾ അവരുടെ ആവശ്യങ്ങൾക്ക് ഉപയോഗിക്കുക. കീറ്റോ ഡയറ്റ് നോക്കുന്നവർ കഴിക്കുന്ന അന്നജത്തിന്റെ അളവ് കുറവായതുകൊണ്ട് ആവശ്യത്തിന് ഗ്ളൂക്കോസ് ഉണ്ടാക്കാൻ പറ്റില്ല. ഇത്തരക്കാരിൽ കൊഴുപ്പിനെ ഉപയോഗിച്ച് ശരീരം കീറ്റോൺ ബോഡി എന്ന ചെറിയ രാസവസ്തുക്കൾ ഉണ്ടാക്കും. കരളിലാണ്‌ ഈ പ്രവർത്തനം നടക്കുക. ഈ കീറ്റോൺ ബോഡികൾ തലച്ചോറിനും മറ്റും ഉപയോഗിക്കാൻ സാധിക്കും. കീറ്റോ ഡയറ്റ് നോക്കുന്നവരിൽ രക്തത്തിൽ കീറ്റോൺ ബോഡികളുടെ അളവ് കൂടും. അതാണ് ഈ പേരിനു പിന്നിൽ.  ഈ ഡയറ്റിൽ കൊഴുപ്പിനെയാണ് അലിയിച്ചു കളയുന്നത്. അതുകൊണ്ടു തന്നെ വേഗം ശരീരഭാരവും കുറയുന്നു.

കീറ്റോ ഡയറ്റിൽ ഉൾപ്പെടുന്ന കൊഴുപ്പ് (Fat) ആരോഗ്യകരമായ കൊഴുപ്പ് മാത്രമാണ്. നെയ്യ്, പാൽക്കട്ടി, വെണ്ണ, വെളിച്ചെണ്ണ, നിലക്കടലയെണ്ണ ഇവയെല്ലാം ആരോഗ്യകരമായ കൊഴുപ്പ് അടങ്ങിയവയാണ്. പ്രോട്ടീൻ കൂടുതലും മൽസ്യം, റെഡ് മീറ്റ്, മുട്ടയുടെ വെള്ള, ചിക്കൻ ഇവയെല്ലാം കഴിക്കാം കീറ്റോ ഡയറ്റില്‍. അന്നജം കുറഞ്ഞ പാലുല്പന്നങ്ങൾ പോലും ധൈര്യമായി കഴിക്കാം. കിഴങ്ങു വർഗ്ഗങ്ങൾ ഒഴിവാക്കി ഇലവർഗ്ഗങ്ങൾ കൂടുതൽ കഴിക്കാനാണ് കീറ്റോ ഡയറ്റ് പറയുന്നത്. വെള്ളവും, അന്നജം കുറഞ്ഞ മറ്റു പാനീയങ്ങളും കൂടുതല്‍ കുടിക്കുമ്പോള്‍ ചായ കാപ്പി എന്നിവ പരമാവധി ഒഴിവാക്കുക.

നൂറുകിലോയിൽ കൂടുതൽ ശരീരഭാരം ഉള്ളവർക്കാണ് ഈ ഡയറ്റ് കൂടുതൽ യോജിക്കുന്നത് എന്നാണു ഈ ഡയറ്റിനെ കുറിച്ചു വിദഗ്ധരുടെ അഭിപ്രായം. എന്നാല്‍ എന്നാൽ ദീർഘകാലത്തേക്ക് ഈ ഭക്ഷണ രീതി പിന്തുടരുന്നതിനെ കുറിച്ചു ഇപ്പോഴും വ്യക്തമായ അഭിപ്രായം ആര്‍ക്കുമില്ല എന്നത് ഒരു പോരായ്മയാണ്.