ലോക ചെസ്സ് ചാമ്പ്യന്ഷിപ്പിന്റെ പതിമൂന്നാം റൗണ്ട് സമനിലയില് പിരിഞ്ഞു. ഇതോടെ ഇന്ത്യയുടെ ഡി ഗുകേഷിനും നിലവിലെ ചാമ്പ്യന് ഡിങ് ലിറനും 6.5 പോയിന്റ് വീതമായി. ഇനി ഒരു റൗണ്ട് പോരാട്ടം മാത്രമാണ് ബാക്കിയുള്ളത്. നാളെ ജയിക്കുന്നയാള് ലോക ചാമ്പ്യനാകും.
ഏഴര പോയിന്റ് നേടുന്നയാളാണ് ജേതാവ് ആവുക. അതേസമയം 14 റൗണ്ടിന് ശേഷവും തുല്യനിലയില് എങ്കില് മത്സരം ടൈ ബ്രേക്കറിലേക്ക് നീങ്ങും.
ഡിസംബര് 13 വരെ നീണ്ട് നില്ക്കുന്ന ഫൈനലില് ആകെ 14 ക്ലാസിക്കല് ഗെയിമുകളാണ് ഉള്ളത്. ജയത്തിന് ഒരു പോയിന്റും സമനിലയ്ക്ക് അരപ്പോയിന്റുമാണ് ലഭിക്കുക.
വിശ്വനാഥന് ആനന്ദിന് ശേഷം ലോകചാമ്പ്യനാകുന്ന ഇന്ത്യക്കാരനെന്ന നേട്ടത്തില് കണ്ണുവച്ചാണ് ഡി.ഗുകേഷ് ഫൈനല് പോരിനിറങ്ങുന്നത്. വെറും 18 വയസുള്ള ഗുകേഷ് കിരീടം നേടുകയാണെങ്കില് ചരിത്രത്തിലെ ഏറ്റവും പ്രായം കുറഞ്ഞ ലോക ചാമ്പ്യനുമാകും.
Read more
