ഇന്ത്യന് നായകന് വിരാട് കോഹ്ലിയെ പ്രശംസിച്ച് ഓസ്ട്രേലിയന് താരം സ്റ്റീവ് സ്മിത്ത്. ഇന്ത്യ- ഓസ്ട്രേലിയ മത്സരത്തിനിടെ തന്നെ കൂവിയ ആരാധകരെ വിലക്കിയതിനാണ് വിരാട് കോഹ്ലിയെ സ്റ്റീവ് സ്മിത്ത് പ്രശംസിച്ചത്. മാന്യമായ സമീപനമാണ് കോഹ്ലിയില് നിന്നുണ്ടായത്. എന്നാല് ഇത്തരം അധിക്ഷേപങ്ങള് തന്നെ ബാധിക്കില്ലെന്നും സ്മിത്ത് പറഞ്ഞു.
ഫീല്ഡ് ചെയ്യുന്നതിനിടെയാണ് സ്മിത്തിനെതിരെ ഇന്ത്യന് ആരാധകര് കൂവി വിളിച്ചത്. പന്ത് ചുരണ്ടല് വിവാദത്തിന്റെ പശ്ചാത്തലത്തില് ചതിയനെന്ന് വിളിച്ചായിരുന്നു അധിക്ഷേപം. എന്നാല് ക്രിക്കറ്റിന്റെ മാന്യത ഉയര്ത്തിപ്പിടിച്ച ഇന്ത്യന് നായകന് കാണികളെ ശാസിച്ചിരുന്നു. ഇത്തരം അധിക്ഷേപങ്ങളൊന്നും തന്നെ ബാധിക്കില്ലെന്നും കളിയില് മാത്രമാണ് ശ്രദ്ധയെന്നും സ്മിത്ത് വ്യക്തമാക്കി.
Read more
പന്ത് ചുരണ്ടല് വിവാദത്തെ തുടര്ന്ന് വിലക്ക് നേരിട്ട സ്മിത്ത് ലോക കപ്പിന് തൊട്ടു മുമ്പാണ് ടീമില് തിരിച്ചെത്തിയത്. അതേ സമയം ഓസ്ട്രേലിയന് നായക സ്ഥാനം വീണ്ടും ഏറ്റെടുക്കുന്നതിനെ കുറിച്ച് ചിന്തിച്ചിട്ടില്ലെന്ന് സ്മിത്ത് പറഞ്ഞു.