ഇന്ത്യന് ഫുട്ബോളില് ഏറ്റവും സംഘടിതരായ ആരാധകസംഘമായി കണക്കാക്കുന്ന വെസ്റ്റ് ബ്ലോക്ക് ബ്ലൂസും ഏറ്റവും കൂടുതല് അംഗങ്ങളുള്ള മഞ്ഞപ്പടയും തമ്മിലുള്ള പോര് ആവേശം നിറഞ്ഞൊരു സീസണിലേക്ക് കൊണ്ടുപോവുകയാണ്.
വെസ്റ്റ് ബ്ലോക്ക് ബ്ലൂസിന്റെ പുതിയ വെല്ലുവിളിയാണ് സോഷ്യല് മീഡിയയില് ചര്ച്ച. ബാംഗ്ലൂര് എഫ്.സിയ്ക്കും കേരള ബ്ലാസ്റ്റേഴ്സിനും മറ്റൊരു ബന്ധംകൂടിയുണ്ട്. കേരളത്തിന്റെ താരങ്ങളായ വിനീതും റിനോ ആന്റോയും ബാംഗ്ലൂര് എഫ്.സി താരങ്ങളായിരുന്നു.
ക്രിസ്മസില് എന്താണ് ആഗ്രഹമെന്താണെന്നുള്ള ഐഎസ്എല് അവതാരികയുടെ ചോദ്യത്തിന് ഇരു താരങ്ങളും നല്കിയ മറുപടി ബാംഗ്ലൂര് ആരാധകര്ക്ക് തീരെ പിടിച്ചിട്ടില്ല.ബംഗളൂരുവിനെതിരെ ഗോള് നേടണമെന്ന് വിനീത് ആഗ്രഹം പറഞ്ഞപ്പോള് ആ ഗോളിനു അസിസ്റ്റ് നല്കണമെന്നാണ് റിനോ ആന്റോ പറഞ്ഞത്. ഇതിന് മറുപടിയുമായാണ് വെസ്റ്റ് ബ്ലോക്ക് എത്തിയിരിക്കുന്നത്.
Well, a @rinoanto 🏃♂️assist to a @ckvineeth goal ⚽, how many times have we seen that before in a pair of blue shirts? But we hope that it doesn't happen against us 😉
We will be there in numbers in Kaloor on the 31st! #TravellingBlues https://t.co/FBd91puRED— West Block Blues (@WestBlockBlues) December 26, 2017
ബംഗളൂരു ടീമിനായി ഇരു താരങ്ങളും ഒത്തൊരുമയോടുകൂടി കളിച്ചിരുന്നത് ഒരുപാട് കണ്ടിട്ടുണ്ടെന്നും പക്ഷെ ബ്ലാസ്റ്റേഴ്സിന്റെ കുപ്പായത്തില് തങ്ങള്ക്കെതിരെ അതു സംഭവിക്കില്ലെന്നാണ് ബാംഗ്ലീര് ആരാധകര് പറഞ്ഞത്. കൊച്ചിയില് മത്സരത്തിനായി ഞങ്ങളെത്തുമെന്നും അവര് ട്വീറ്റ് ചെയ്തു.
വൈകാതെ വിനീതിന്റെ മറുപടിയും വന്നു. ബംഗളൂരുവിനായുള്ള ഗോള് നേട്ടങ്ങള് താന് ആസ്വദിച്ചിരുന്നു. കൊച്ചിയില് മത്സരത്തില് വെച്ച് നമുക്ക് കാണാം. വിനീത് പറഞ്ഞു. കൂടാതെ നീലപ്പടയെ മഞ്ഞപ്പടയുടെ തട്ടകത്തിലേക്ക് സ്വാഗതം ചെയ്യുകയും ചെയ്തു താരം. എന്തായാലും ഇരു ടീമുകളും കൊച്ചിയില് ഏറ്റുമുട്ടുന്നതിനു മുമ്പ ആരാധകരും കളിക്കാരും ഏറ്റുമുട്ടി തുടങ്ങി.
Enjoyed it every time! The @KeralaBlasters family welcomes you wholeheartedly. Look forward to seeing you there! 🙂 https://t.co/yGSqzt0RDr
— CK Vineeth (@ckvineeth) December 26, 2017
Read more