ലോകത്തെ ഏറ്റവും മികച്ച ഫുട്ബോള് താരങ്ങളിലൊരാളായി പരിഗണിക്കപ്പെടുന്ന താരമാണ് പി.എസ്.ജിയുടെ ബ്രസീല് താരം നെയ്മര്. ബാഴ്സലോണ വിട്ട് താരം പിഎസ്ജിയിലേക്ക് കൂടുമാറിയത് റെക്കോഡ് തുകയ്ക്കാണ്, ഏകദേശം 263 മില്യണ് ഡോളറിന്. ആ നെയ്മര് നിസ്സാര കാര്യത്തിന് പോലും പിശുക്കാന് തുടങ്ങിയാലോ. അത്തരമൊരു കാര്യമാണ് ഇപ്പോള് ഫുട്ബോള് ലോകത്ത് ചര്ച്ചയായിരിക്കുന്നത്.
അനധികൃത ലിങ്ക് ഉപയോഗിച്ച് മത്സരം വീക്ഷിച്ചു കൊണ്ടിരിക്കുന്ന താരത്തിന്റെ ചിത്രമാണ് ഇപ്പോള് ചര്ച്ചയായിരിക്കുന്നത്. സ്ട്രാസ്ബോര്ഗിനെതിരെയുള്ള ആദ്യ മാച്ചില് പിഎസ്ജിക്ക് വേണ്ടി നെയ്മര് ഉണ്ടായിരുന്നില്ല. സസ്പെന്ഷന് കാരണം ടീമിനൊപ്പം കളിക്കാന് കഴിയാതെ സ്വന്തം വീട്ടില് മത്സരം ആസ്വദിക്കുകയായിരുന്നു നെയ്മര്. മത്സരം കണ്ടു കൊണ്ടിരിക്കെ താരം സോഷ്യല് മീഡിയയില് പങ്കുവെച്ച ഒരു ഫോട്ടോയാണ് പൊല്ലാപ്പായത്.
— Out Of Context Football (@nocontextfooty) April 10, 2021
നെയ്മര് ഷെയര് ചെയ്ത ചിത്രത്തിലെ സ്ക്രീനിന്റെ ഒരു വശത്തു “സെക്സി സിംഗിള്” എന്നെഴുതിയ ഒരു പോപ്പപ്പ് പ്രത്യക്ഷപ്പെട്ടതോടെയാണ് ആളുകള്ക്ക് സംശയം തോന്നിയത്. സ്ക്രീനില് ഇരുപത്തിയെട്ടു വയസ്സുകാരിയായ മീന ഒരു കിലോമീറ്റര് ദൂരെ എന്ന ഒരു പരസ്യ വാചകവും കാണിക്കുന്നുണ്ട്. അനധികൃതമായി സ്ട്രീമിംഗ് സേവനങ്ങള് വഴി മത്സരം വീക്ഷിക്കുമ്പോള് ആണ് ഇത്തരം പരസ്യങ്ങള് സാധാരണ പ്രത്യക്ഷപ്പെടാറ്.
Read more
ഇത്രയും വലിയ തുക സമ്പാദിക്കുന്ന ഒരു താരം അനധികൃതമായ രീതിയില് മത്സരങ്ങള് കാണുന്നത് വിമര്ശനങ്ങള്ക്ക് വഴിവെച്ചിരിക്കുകയാണ്. നിരവധി പേരാണ് താരത്തെ കടന്നാക്രമിച്ച് രംഗത്ത് വന്നിരിക്കുന്നത്. എന്നാല് താരത്തിന്റെ പിശുക്കത്തരം ആഘോഷമാക്കിയിരിക്കുന്നവരും ഏറെയാണ്.