ഇന്ത്യന്‍ സൂപ്പര്‍ലീഗ് പ്‌ളേ ഓഫിലേക്ക് അടുക്കുമ്പോള്‍ കരുത്തുകാട്ടി മുംബൈ സിറ്റി. ഈസ്റ്റ്് ബംഗാളിനെ നാണക്കേടിലേക്ക് തള്ളിയിട്ടുകൊണ്ട് മുംബൈ സിറ്റി എട്ടാം വിജയം പിടിച്ചെടുത്തു. ഏകപക്ഷീയമായ ഒരു ഗോളിനായിരുന്നു മുന്‍ ചാംപ്യന്മാരുടെ വിജയം. ഈ വിജയത്തോടെ കേരളാബ്‌ളാസ്‌റ്റേഴ്‌സിനെ അഞ്ചാം സ്ഥാനത്തേക്ക് തള്ളി മുംബൈ നാലാമതായി.
കളിയുടെ രണ്ടാം പകുതിയില്‍ 51 ാം മിനിറ്റിലായിരുന്നു ബിപിന്‍ സിംഗിലൂടെ മുംബൈ ഗോള്‍ നേടിയത്. ഈ സീസണില്‍ ഈസ്റ്റബംഗാള്‍ നേരിടുന്ന പത്താമത്തെ തോല്‍വിയാണ്. ഇന്ത്യന്‍ സൂപ്പര്‍ലീഗില്‍ രണ്ടാം സീസണ്‍ മാത്രം കളിക്കുന്ന ടീം ഏറ്റവും തോല്‍വിയറിഞ്ഞ ടീമെന്ന കഴിഞ്ഞ സീസണിലെ സ്വന്തം റെക്കോഡ് ഈസ്റ്റ്ബംഗാള്‍ ഈ സീസണില്‍ തിരുത്തി്.
Read more
എഫ് സി ഗോവയ്ക്ക് എതിരേ ഒരു വിജയം മാത്രമാണ് ഈ സീസണില്‍ എസ് സി ഈസ്റ്റ് ബംഗാളിനുള്ളത്. ഒന്നാന്തരം ഗോളവസരങ്ങള്‍ പാഴാക്കിയതില്‍ അവര്‍ക്ക് സ്വയം പഴിക്കാം. ഈ വിജയത്തോടെ മുംബൈയ്ക്ക് 28 പോയിന്റായി. 17 കളികളില്‍ അവര്‍ക്ക് 28 പോയിന്റായി. 16 കളികളില്‍ നിന്നും ബ്‌ളാസ്‌റ്റേഴ്‌സിന് 27 പോയിന്റാണ് ഉള്ളത്.
