“മേഴ്സി ഈ വര്ഷം കപ്പ് കൊണ്ടേ പോരു , മേഴ്സി പറഞ്ഞ വാക്ക് അയാൾ പാലിക്കും ” ഫുട്‍ബോളിൽ തന്റെ ഇഷ്ട ടീമായ അർജന്റീനക്ക് വേണ്ടി മെസി കപ്പുയർത്തും എന്ന് ഉദ്ദേശിച്ച ഇ പി ജയരാജൻ മെസി എന്നതിന് പകരം പറഞ്ഞത് മേഴ്സി. ഇതോടെ പലവട്ടം നാക്ക് പിഴച്ചിട്ടുള്ള ജയരാജൻ സഖാവിന്റെ വീഡിയോ നിമിഷങ്ങൾക്കുളിൽ ട്രോളന്മാർ ഏറ്റെടുത്തു. മീഡിയ വൺ നടത്തുന്ന പ്രത്യേക ലോകകപ്പ് പരിപാടിയിലാണ് ജയരാജന്റെ നാക്ക് പിഴച്ചത്.
അർജന്റീനയെ പിന്തുണച്ചുകൊണ്ട് അവർക്ക് വേണ്ടി ബ്രസീലിനെ എതിർത്ത് നിറഞ്ഞ് നിൽക്കുന്ന ആളാണ് ജയരാജൻ. ലോകകപ്പ് കോപ്പ അമേരിക്ക ഒകെ വരുമ്പോൾ അര്ജന്റീനയുടെ വലിയ ആരാധകനായ എംഎം മണിയോടൊപ്പം ചേർന്ന് ബ്രസീലിനെ ട്രോളി തന്റെ ടീമിനെ പിന്തുണക്കാൻ ഇഷ്ടപെടുന്ന ജയരാജൻ ഇപ്പോഴുള്ള രാഷ്ട്രീയ കാലത്ത് താൻ ഫോർവേഡ് ആയിട്ടാണ് കളിക്കുന്നതെന്നും എതിരാളികളുടെ കോർട്ടിൽ കയറി ” കടന്നടിക്കൽ” ആണ് തന്റെ ഇഷ്ടമെന്നും ജയരാജൻ പറഞ്ഞു. ഇതും ട്രോളന്മാർ ഏറ്റെടുത്തിട്ടുണ്ട്.
മേഴ്സി എൻ്റെ അമ്മയായിരുന്നു, എൻ്റെ സഹോദരി ആയിരുന്നു, അവളെൻ്റെ ഭാര്യയായിരുന്നു, എൻ്റെ എല്ലാമെല്ലാമായിരുന്നു തുടങ്ങിയ കമ്മെന്റുകളാണ് സോഷ്യൽ മീഡിയയിൽ നിറയുന്നത്. കോമഡി സിംഹഹമേ എങ്ങനെ ഇങ്ങനെ ഒകെ പറയാൻ സാധിക്കുന്നു എന്നും ആളുകൾ ചോദിക്കുന്നുണ്ട്.
Read more
അര്‍ജന്റീന, ബ്രസീല്‍ ആരാധകരാണ് പോര്‍ക്കളത്തില്‍ മുന്നേറ്റം നടത്തുന്നത്. മറ്റു ടീമുകളുടെ ആരാധകരും ഒപ്പത്തിനൊപ്പമുണ്ട്. വരവേല്‍പ്പുഘോഷയാത്രയ്ക്കും പലയിടത്തും ഒരുക്കങ്ങള്‍ നടക്കുന്നു. ഇതിന്റെ ഭാഗമായും ആരാധകര്‍ വാട്ട്‌സ്ആപ്പ് ഗ്രൂപ്പുകളുണ്ടാക്കുന്നുണ്ട്.
