കഴിഞ്ഞ ദിവസം ചാമ്പ്യന്‍സ് ലീഗ് പ്രീക്വാര്‍ട്ടറില്‍ ആദ്യ പാദത്തില്‍ സ്പാനിഷ് ക്ലബ്ബ് ബാഴ്സലോണയെ ഫ്രഞ്ച് ക്ലബ്ബ് പി.എസ്.ജി തോല്‍പ്പിച്ചിരുന്നു. ബാഴ്സയുടെ സ്വന്തം മൈതാനമായ ക്യാമ്പ് നൗവില്‍ ഒന്നിനെതിരേ നാലു ഗോളുകള്‍ക്കായിരുന്നു പി.എസ്.ജിയുടെ ജയം. ഹാട്രിക്ക് നേടിയ യുവതാരം കിലിയന്‍ എംബാപ്പെയാണ് ബാഴ്സയെ തകര്‍ത്തത്. ഇപ്പോഴിതാ മത്സരത്തനിടയിലുണ്ടായ വാക്കുതര്‍ക്കത്തിനിടെ എംബാപ്പെ ബാഴ്സ താരത്തിന് നേരെ കൊലവിളി നടത്തിയതിന്റെ വീഡിയോ വൈറലായിരിക്കുകയാണ്.
ആവേശപ്പോരാട്ടത്തിന്റെ രണ്ടാം പകുതിയില്‍ എംബാപ്പെയും ബാഴ്സ താരം ജോര്‍ദി ആല്‍ബയും തമ്മിലായിരുന്നു വാക്കുതര്‍ക്കം. “വലിയ ആളാണ് താനെന്ന് നിങ്ങള്‍ സ്വയം വിശ്വസിക്കുന്നു”വെന്നായിരുന്നു ആല്‍ബയുടെ പരാമര്‍ശം. “ഇതൊക്കെ തെരുവില്‍ വെച്ചാണ് പറഞ്ഞതെങ്കില്‍ നിന്നെ ഞാന്‍ കൊല്ലും” എന്നായിരുന്നു എംബാപ്പെ മറുപടി.
Jordi Alba to Mbappé: “You”re getting to big for yourself.”
Mbappé to Jordi Alba: “In the streets I kill you
Alba to Piqué: “He”s learning, the bugger is learning.”
Piqué to Mbappé: “Who are you going to kill?”
Mbappé: “On streets I KILL you!” #BARPSGpic.twitter.com/o2Cyu8CDnH
— M•A•J (@Ultra_Suristic) February 17, 2021
പിന്നാലെ ആല്‍ബ പിക്വെയോട് എംബാപ്പെയെക്കുറിച്ച് ആക്ഷേപ സ്വരത്തില്‍ “ആ വൃത്തികെട്ടവന്‍ എല്ലാം പഠിച്ചു” എന്നു പരിഹാസ രൂപത്തില്‍ പറഞ്ഞു. പിന്നീട് “നിങ്ങള്‍ ആരെയാണ് കൊല്ലണമെന്ന് പറഞ്ഞത്” എന്ന് പിക്വെ എംബാപ്പെയോടു ചോദിച്ചു. “തെരുവിലാണെങ്കില്‍ കൊല്ലും” എന്നായിരുന്നു പിക്വെയോടുള്ള എംബാപ്പെയുടെ മറുപടി. സഹ താരങ്ങളെത്തിയാണ് ഇരുവരേയും തണുപ്പിച്ചത്.
Read more
മൂന്നുവട്ടം വലകുലുക്കി എംബാപ്പെ തന്റെ അരിശം കളിയിലും തീര്‍ത്തു. ബാഴ്സ പ്രതിരോധത്തെ കാഴ്ചക്കാരാക്കി അതിവേഗത്തിലായിരുന്നു എംബാപ്പെയുടെ ചടുല നീക്കങ്ങള്‍. 32. 65, 85 മിനിറ്റുകളിലായിരുന്നു എംബാപ്പെയുടെ ഗോളുകള്‍.
