ശ്രീക്കുട്ടൻ നാളെ കളിക്കുമോ എന്ന ചോദ്യത്തിന് തകർപ്പൻ മറുപടി നൽകി ഇവാൻ, ആരാധകർക്ക് ഒരു സന്ദേശവും

കേരള‌ ബ്ലാസ്റ്റേഴ്സിന്റെ എക്കാലത്തെയും മികച്ച ഐ എസ് എൽ സീസണായിരുന്നു 2021-22 ലേത്. ഇവാൻ വുകോമനോവിച്ച് എന്ന സെർബിയൻ പരിശീലകന് കീഴിൽ സ്വപ്ന കുതിപ്പ് നടത്തിയ ടീം, ലീഗ് ഘട്ടത്തിൽ നാലാം സ്ഥാനക്കാരായി പ്ലേ ഓഫിലെത്തുകയും പിന്നീട് ഫൈനൽ വരെ എത്തുകയും ചെയ്ത ടീമാണ് ബ്ലാസ്റ്റേഴ്‌സ്. ഫൈനലിൽ കാലിടറിയെങ്കിലും ആരാധകർ ആഗ്രഹിക്കുന്ന പ്രകടനം തന്നെയാണ് ബ്ലാസ്റ്റേഴ്സിൽ നിന്ന് സീസണിൽ ഉണ്ടായത്.

എന്തായാലും കഴിഞ്ഞ വർഷം തങ്ങൾക്ക് കഷ്ടിച്ച് നഷ്‌ടമായ ആ കിരീടം നേടിയെടുക്കാൻ തന്നെയാണ് ബ്ലാസ്റ്റേഴ്‌സ് എത്തുന്നത്. അതിനായി ഉള്ള ഒരുക്കം ബ്ലാസ്റ്റേഴ്‌സ് ആരംഭിച്ച് കഴിഞ്ഞിരിക്കുന്നു. നാളത്തെ വാർത്ത സമ്മേളനത്തിന് മുമ്പ് നടന്ന വാർത്ത സമ്മേളനത്തിൽ ഇവാൻ പ്രതീക്ഷയിൽ ആയിരുന്നു.

” വലിയ ആരാധകർക്ക് മുന്നിൽ കളിക്കുന്നത് ആവേശകരമാണ്. ഒരുപാട് താരങ്ങൾ കൂടുവിട്ട് കൂടുമാറിയിട്ടുണ്ട്. പുതിയതായി വന്നവരാരും മോശക്കാരല്ല, നല്ല താരങ്ങളാണ് എല്ലാവരും. അതിനാൽ തന്നെ പ്രതീക്ഷയിലാണ് സീസണിനെ കാണുന്നത്.” മലയാളി താരം ശ്രീക്കുട്ടൻ നാളത്തെ മത്സരത്തിനുണ്ടാകുമോ എന്ന ചോദ്യത്തിന് ” സാധ്യതയുണ്ട്, ട്രെയിനിങ് സെക്ഷനിൽ എല്ലാം അദ്ദേഹം നല്ല മികവ് കാണിച്ചതിനാൽ അദ്ദേഹത്തെ കളത്തിൽ പ്രതീക്ഷിക്കാം.’

എതിരാളികൾക്ക് ആശംസ അറിയിച്ച പരിശീലകൻ നാളെ ജയിക്കുമെന്നും മൂന്ന് പോയിന്റ് സ്വന്തം ആക്കുമെന്നും പ്രതീക്ഷ പങ്കുവെച്ചു.