ഇഷാൻ കിഷനെ ടീമിൽ ഇപ്പോൾ കാണാത്തതിനെക്കുറിച്ച് ഒരു പ്രസ്താവനയുമായി ഇന്ത്യൻ മുഖ്യ പരിശീലകൻ രാഹുൽ ദ്രാവിഡ്. ദക്ഷിണാഫ്രിക്കൻ പര്യടനത്തിനിടെ മാനസിക ക്ഷീണം കാരണം ഇടവേള എടുത്തതിന് ശേഷം താരം ഇന്ത്യക്കായി കളിച്ചിട്ടില്ല. ജാർഖണ്ഡിനായി ഒരു രഞ്ജി ട്രോഫി മത്സരത്തിലും അദ്ദേഹം ഈ സീസണിൽ പ്രത്യക്ഷപ്പെട്ടിട്ടില്ല. തുടർച്ചയായി അഞ്ച് മത്സരങ്ങൾ അയാൾക്ക് നഷ്ടമായി, അദ്ദേഹം എവിടെയാണെന്ന് ആർക്കും ഒരു വിവരവുമില്ല.
ബാറ്റിംഗിൽ കെഎസ് ഭരത് പരാജയപ്പെടുകയും ധ്രുവ് ജൂറൽ ടീമിൽ പുതിയ കടന്ന് വരവ് ആകുകയും ചെയ്തതോടെ, ഇന്ത്യ 106 റൺസിന് വിജയിച്ച രണ്ടാം ടെസ്റ്റ് മത്സരത്തിന് ശേഷം ഇഷാൻ്റെ സാധ്യതകളെക്കുറിച്ച് ദ്രാവിഡിനോട് ചോദിച്ചു. “ഇഷാൻ കിഷനെ സെലക്ഷനിൽ പരിഗണിക്കാൻ രഞ്ജി കളിക്കാൻ തുടങ്ങേണ്ടതുണ്ട്. ഞങ്ങൾ അദ്ദേഹവുമായി ബന്ധപ്പെട്ടുകൊണ്ടിരിക്കുകയാണ്, ”അദ്ദേഹം പറഞ്ഞു.
നിരവധി റിപ്പോർട്ടുകൾ പ്രകാരം, താരത്തിൽ മാനേജ്മെൻ്റ് തൃപ്തരല്ല, കൂടാതെ ഒരു വർഷമെങ്കിലും ഇഷാനെ ഇന്ത്യയ്ക്കായി കളിക്കാൻ അനുവദിക്കില്ലെന്ന് അടുത്തിടെ ഒരു ഉദ്യോഗസ്ഥൻ പറഞ്ഞു. ഇടവേളയ്ക്കുള്ള അദ്ദേഹത്തിൻ്റെ പല മുൻ അഭ്യർത്ഥനകളും നിരസിക്കപ്പെട്ടു. എന്നിരുന്നാലും, ഇത് അംഗീകരിച്ചപ്പോൾ, എംഎസ് ധോണിയുമൊത്തുള്ള അദ്ദേഹത്തിൻ്റെ പുതുവത്സര ആഘോഷങ്ങൾ ടീം മാനേജ്മെൻ്റിന് ഇഷ്ടപ്പെട്ടില്ല.
ഒരു ക്വിസ് ഷോയിൽ പങ്കെടുത്തതും അദ്ദേഹത്തിന് വിനയായിട്ടുണ്ട്. ഇംഗ്ലണ്ടിനെതിരായ ടെസ്റ്റ് പരമ്പരയ്ക്ക് മുമ്പ് രാഹുലും സമാനമായ പ്രസ്താവന നടത്തിയിരുന്നുവെങ്കിലും ഇഷാൻ അത് ചെവിക്കൊണ്ടില്ല.
Rahul Dravid said "Ishan Kishan needs to start playing to be considered for selection, we are in touch with him". [Press/PTI] pic.twitter.com/zhrKyzZw5I
— Johns. (@CricCrazyJohns) February 5, 2024
Read more