ഓസ്‌ട്രേലിയ ആതിഥ്യം വഹിക്കുന്ന ആഷസ് ക്രിക്കറ്റ് ടെസ്റ്റ് പരമ്പരയില്‍ ഇംഗ്ലണ്ടിനെ ആരു നയിക്കുമെന്നതില്‍ ആശയക്കുഴപ്പം. ക്യാപ്റ്റന്‍സി ഏറ്റെടുക്കാന്‍ ജോ റൂട്ട് പൂര്‍ണ സമ്മതം മൂളിയിട്ടില്ലെന്നതാണ് ഇസിബിയെ (ഇംഗ്ലണ്ട് ആന്‍ഡ് വെയ്ല്‍സ് ക്രിക്കറ്റ് ബോര്‍ഡ്) പ്രതിസന്ധിയിലായിരിക്കുന്നത്.
കടുത്ത കോവിഡ് നിയന്ത്രണങ്ങളുടെ പശ്ചാത്തലത്തിലാണ് ഇംഗ്ലണ്ടിനെ നയിക്കുന്നതില്‍ നിന്ന് റൂട്ട് പിന്‍വലിയാന്‍ കാരണം. ഇംഗ്ലണ്ടിന്റെ ക്യാപ്റ്റന്‍സി ഏറ്റെടുക്കണമോ വേണ്ടയോ എന്ന സങ്കോചത്തിലാണ് റൂട്ട്. റൂട്ടിന്റെ അവസാന ആഷസായിരിക്കും ഇത്തവണത്തേതെന്ന് കരുതപ്പെടുന്നു. അതിനാല്‍ത്തന്നെ ആഷസ് കളിക്കാന്‍ റൂട്ട് ഉണ്ടാവുമെന്നാണ് കണക്കുകൂട്ടല്‍.
Read more
കോവിഡ് മാനദണ്ഡങ്ങളും നിയന്ത്രണങ്ങളും ഇംഗ്ലീഷ് താരങ്ങളെയും ആഷസിനെ കൈവിടുന്നതിന് പ്രേരിപ്പിക്കുന്നുണ്ട്. ഇക്കുറി ആഷസ് നടക്കുമോയെന്ന കാര്യത്തില്‍ ഇംഗ്ലണ്ട് കളിക്കാര്‍ക്ക് ഉറപ്പില്ല. ഇക്കാര്യത്തില്‍ ഇസിബിയുടെ തീരുമാനത്തിന് കാത്തിരിക്കുകയാണ് താരങ്ങളെന്നാണ് വിവരം.
