ഇന്നലെ എന്താ ഡക്ക് ഡേയായിരുന്നോ? അന്താരാഷ്ട്ര ക്രിക്കറ്റില്‍ ഇന്നലെ നടന്ന മത്സരങ്ങളില്‍ പൂജ്യത്തിന് പുറത്തായവരുടെ എണ്ണം കണ്ടിട്ട് ക്രിക്കറ്റ് പ്രേമികള്‍ ചോദിക്കുന്ന ചോദ്യമാണിത്. ഇന്നലെ നടന്ന ഇന്ത്യ-ഇംഗ്ലണ്ട്, ന്യൂസിലാന്‍ഡ്-അയര്‍ലാന്‍ഡ് മത്സരങ്ങളിലായി അക്കൗണ്ട് തുറക്കാതെ പുറത്തായത് ഒന്‍പത് പേരാണ്. ഇതില്‍ തന്നെ മൂന്ന് പേര് ഗോള്‍ഡന്‍ ഡക്കുമായിരുന്നു.
ഇന്ത്യ-ഇംഗ്ലണ്ട് ഏകദിന മത്സരത്തില്‍ നാല് പേരാണ് പൂജ്യത്തിന് പുറത്തായത്. നാലും ഇംഗ്ലീഷ് ബാറ്റര്‍മാരാണ്. ജെയ്‌സണ്‍ റോയ്, ജോ റൂട്ട്, ബെന്‍ സ്‌റ്റോക്‌സ്, ലിയാം ലിവിംഗ്‌സ്റ്റണ്‍ എന്നിവരെയാണ് അക്കൗണ്ട തുറക്കു മുമ്പേ ഇന്ത്യ ബോളര്‍മാര്‍ പറഞ്ഞയച്ചത്.
ന്യൂസിലാന്‍ഡ്-അയര്‍ലാന്‍ഡ് ഏകദിന മത്സരത്തില്‍ അഞ്ച് പേരാണ് പൂജ്യത്തിന് പുറത്തായത്. മൂന്ന് അയര്‍ലാന്‍ഡ് താരങ്ങളും രണ്ട് കിവീസ് താരങ്ങളും. പോള്‍ സ്റ്റെര്‍ലിംഗ്, ക്രെയ്ഗ് യംഗ്, ജോഷ് ലിറ്റില്‍ എന്നിവരാണ് പൂജ്യത്തിന് പുറത്തായ ആയര്‍ലാന്‍ഡ താരങ്ങള്‍. മാര്‍ട്ടിന്‍ ഗപ്റ്റില്‍, വില്‍ യങ് എന്നിവരാണ് ഡക്കായി പുറത്തായ കിവീസ് താരങ്ങള്‍.
ഇന്ത്യ-ഇംഗ്ലണ്ട് ഏകദിന മത്സരത്തില്‍ ഇന്ത്യ 10 വിക്കറ്റിന് ഇംഗ്ലീഷ് നിരയെ പരാജയപ്പെടുത്തിയപ്പോള്‍, കിവീസ് മൂന്ന് വിക്കറ്റിന് അയര്‍ലാന്‍ഡിനെ വീഴ്ത്തി.
Read more
