ഇംഗ്ലണ്ടിനെതിരായ ടെസ്റ്റ് പരമ്പരയ്ക്കുളള തന്റെ ടീമിനെ തിരഞ്ഞെടുത്ത് മുന്‍ ഇന്ത്യന്‍ താരം വസീം ജാഫര്‍. സ്റ്റാര്‍ പേസര്‍ ജസ്പ്രീത് ബുംറയെ ക്യാപ്റ്റനാക്കിയുളള ടീമിനെയാണ് അദ്ദേഹം പങ്കുവച്ചത്. രോഹിത് ശര്‍മ്മയ്ക്ക് പകരം ക്യാപ്റ്റനാകുമെന്ന് റിപ്പോര്‍ട്ടുകള്‍ വന്നിട്ടുളള ശുഭ്മാന്‍ ഗില്ലിനെ അദ്ദേഹം തന്റെ ടീമിന്റെ നായകനാക്കിയില്ല. ജൂണ്‍ 20നാണ് ഇംഗ്ലണ്ടിനെതിരായ അഞ്ച് മത്സരങ്ങള്‍ ഉള്‍പ്പെടുന്ന ടെസ്റ്റ് പരമ്പര അവരുടെ തട്ടകത്തില്‍ ആരംഭിക്കുക.
മേയ് 20 നാവും ചീഫ് സെലക്ടര്‍ അജിത് അഗാര്‍ക്കറും കോച്ച് ഗംതം ഗംഭീറും ചേര്‍ന്ന് ഇന്ത്യന്‍ ടീമിനെയും പുതിയ ക്യാപ്റ്റനെയും ഔദ്യോഗികമായി പ്രഖ്യാപിക്കുക. അതേസമയം എക്‌സിലൂടെയായിരുന്നു തന്റെ ടീമിനെ വസീം ജാഫര്‍ പങ്കുവച്ചത്. ഐപിഎലില്‍ മികച്ച ഫോമിലുളള സായി സുദര്‍ശനെ ഒഴിവാക്കിയ വസീം ജാഫര്‍ ഇന്ത്യ എ ക്യാപ്റ്റന്‍ അഭിമന്യൂ ഈശ്വരനെ ഉള്‍പ്പെടുത്തിയാണ് ടീമിനെ പങ്കുവച്ചത്.
Read more
വസീം ജാഫറിന്റെ ഇന്ത്യന്‍ ഇലവന്‍; യശസ്വി ജയ്‌സ്വാള്‍, കെഎല്‍ രാഹുല്‍, ശുഭ്മാന്‍ ഗില്‍ (vc), ശ്രേയസ് അയ്യര്‍/കരുണ്‍ നായര്‍, റിഷഭ് പന്ത്(w), രവീന്ദ്ര ജഡേജ, ശാര്‍ദുല്‍ താക്കൂര്‍, കുല്‍ദീപ് യാദവ്, മുഹമ്മദ് ഷമി, ജസ്പ്രീത് ബുംറ(c), മുഹമ്മദ് സിറാജ്, അഭിമന്യു ഈശ്വരന്‍, ധ്രുവ് ജുറല്‍, സര്‍ഫറാസ് ഖാന്‍, അര്‍ഷ്ദീപ് സിങ്/പ്രസിദ്ധ് കൃഷ്ണ/ആകാശ്ദീപ്, വാഷിങ്ടണ്‍ സുന്ദര്‍.
