ഡൽഹി ടീമുമായുള്ള തൻ്റെ പതിറ്റാണ്ട് നീണ്ട ബന്ധം അടുത്തിടെ അവസാനിപ്പിച്ച കെകെആർ ബാറ്റർ നിതീഷ് റാണ ഉത്തർപ്രദേശ് ടീമിലാണ് നിലവിൽ കാളികുനത്, ഇപ്പോൾ നടന്നുകൊണ്ടിരിക്കുന്ന രഞ്ജി ട്രോഫി 2024-ൽ താരത്തിന്റെ നേതൃത്വത്തിലാണ് താരം ഇറങ്ങിയത് എന്നുള്ളത് ശ്രദ്ധിക്കേണ്ട കാര്യമാണ്. എന്നാൽ തന്റെ പഴയ ടീമായ ഡൽഹിക്ക് എതിരെ സംസാരിച്ച് രംഗത്ത് വന്നിരിക്കുകയാണ് താരം ഇപ്പോൾ.
വാക്കുകൾ ഇങ്ങനെയാണ്:
“ഡൽഹിയിലെ ഡ്രസ്സിംഗ് റൂമിലെ പരിസ്ഥിതി എൻ്റെ കരിയറിനെ ബാധിക്കുമെന്ന് ഞാൻ ആശങ്കാകുലനായിരുന്നു. ഒരു മാറ്റം ആവശ്യമാണെന്ന് എനിക്ക് തോന്നി, യുപിയെ ഞാൻ എല്ലായ്പ്പോഴും ഒരു മികച്ച ടീമായി കണക്കാക്കുന്നു. ഭാഗ്യവശാൽ, എനിക്ക് ലഭിക്കേണ്ട ബഹുമാനം ലഭിക്കുന്ന തരുന്ന ഒരു ടീമിൽ ഞാൻ ചേർന്നു,” റാണ ക്രിക്ക്ബസിന് നൽകിയ അഭിമുഖത്തിൽ പറഞ്ഞു.
മുംബൈയ്‌ക്കെതിരെ വാംഖഡെ സ്റ്റേഡിയത്തിൽ നടന്ന രഞ്ജി ട്രോഫി പോരാട്ടത്തിൽ നിതീഷ് റാണ തൻ്റെ ബാറ്റിംഗ് മികവ് പുറത്തെടുത്തു. ആദ്യ ഇന്നിംഗ്‌സിൽ 120 പന്തിൽ നിന്ന് 106 റൺസാണ് അദ്ദേഹം നേടിയത്. ഈ മികച്ച പ്രകടനം അദ്ദേഹത്തിൻ്റെ റെഡ് ബോൾ കരിയറിന് വലിയ രീതിയിൽ ഊർജം ആകുമെന്നുൾ കാര്യത്തിൽ സംശയമില്ല.
കോവിഡ് ബാധിത വർഷങ്ങളിൽ, ഐപിഎൽ രണ്ട് ഘട്ടങ്ങളിലായി നടന്നതോടെ, പരമ്പരാഗത ഫോർമാറ്റിൽ നിന്ന് താൻ അകന്നുപോയെന്ന് അദ്ദേഹം സമ്മതിച്ചു. എന്നിരുന്നാലും, ആഭ്യന്തര സീസണിന് മുന്നോടിയായുള്ള തൻ്റെ കഠിനമായ പരിശ്രമങ്ങളെ ബാറ്റർ എടുത്തുകാണിച്ചു.
“ടീം വെല്ലുവിളികൾ നേരിടുമ്പോൾ മുന്നേറാൻ ഞാൻ ഇഷ്ടപ്പെടുന്നു. കോവിഡ്-19 കാരണം നടന്ന രണ്ട് ഘട്ട ഐപിഎൽ എന്നെ റെഡ്-ബോൾ ക്രിക്കറ്റിൽ നിന്ന് ശ്രദ്ധ തിരിച്ചുവിടാൻ പ്രേരിപ്പിച്ചു. ഈ വർഷം, എൻ്റെ റെഡ്-ബോൾ കഴിവുകൾ മെച്ചപ്പെടുത്താൻ ഞാൻ വളരെയധികം പരിശ്രമിച്ചു. റെഡ് ബോൾ ക്രിക്കറ്റിൽ എനിക്ക് അഭിവൃദ്ധി പ്രാപിക്കാൻ കഴിയുമെന്നും മറ്റാരേക്കാളും സ്വയം തെളിയിക്കുക എന്നതാണ് എൻ്റെ ലക്ഷ്യം, ”അദ്ദേഹം കൂട്ടിച്ചേർത്തു.
Read more
ഇന്ത്യൻ പ്രീമിയർ ലീഗിൽ കൊൽക്കത്തയ്ക്ക് വേണ്ടിയാണ് താരം കളിക്കുന്നത്.
