മാറി മാറി വന്ന കിവീസ് നായകന്മാരുടെ വലംകൈ, ടെയ്‌ലറും എല്ലാം അവസാനിപ്പിക്കുകയാണ്

 

പ്രണവ് തെക്കേടത്ത്

എത്ര തവണ എഴുതിയിട്ടുണ്ടെന്നോ ഈ താരത്തെ കുറിച്ച് എത്ര മാത്രം പ്രിയ്യപ്പെട്ടവനാണെന്നോ ഇയാളെനിക്ക് ആരാധനയെക്കാള്‍ പ്രണയിച്ചു പോയ അപൂര്‍വം ക്രിക്കറ്റ് താരങ്ങളിലൊരാളായിരുന്നു റോസ് ടെയ്‌ലര്‍.

മറ്റൊരു ദേശത്തിന്റ ജേഴ്‌സിയില്‍ ഇറങ്ങുമ്പോഴും അയാള്‍ റന്‍സുകള്‍ സ്വന്തമാക്കുന്നത് കാണാന്‍ വല്ലാതെ കൊതിച്ച ആ ദിനങ്ങള്‍, അയാളുടെ ശതകങ്ങള്‍ മുഖത്ത് സമ്മാനിച്ച ആ പുഞ്ചിരി, ഒരു കശാപ്പുകാരനെ പോലെ വലത്തോട്ടൊന്ന് മാറി ലോകത്തെമ്പാടുമുള്ള ഗ്രൗണ്ടുകളിലെ ലെഗ് സൈഡ് സ്റ്റാന്‍ഡ്സിലേക്ക് അയാള്‍ പറത്തിയ ബോളില്‍ ലെഗ് സൈഡ് ബാറ്റിങ്ങിന്റെ മനോഹാരിത നുകര്‍ന്ന ആ ദിനങ്ങള്‍.

ബാംഗ്ലൂരിലെ ചിന്നസ്വാമിയിലെ ആരാധകര്‍ക്കിടയില്‍ അയാള്‍ ആഘോഷിക്കപെട്ട ഒരു കാലത്തിന്റെ ഓര്‍മ്മകള്‍, ഒന്നര പതിറ്റാണ്ടോളം കിവീസിന്റെ മധ്യനിര താങ്ങി നിര്‍ത്തിയ ആ ടീമിന്റെ ആവശ്യത്തിനനുസരിച്ച് കേളി ശൈലിയില്‍ മാറ്റം വരുത്തി.

മാറി മാറി വന്ന കിവീസ് നായകന്മാരുടെ വലം കൈ ആയി മാറിയ ടെയ്‌ലറും എല്ലാം അവസാനിപ്പിക്കുകയാണ്.. Happy Retirement life Ross.

 

കടപ്പാട്: ക്രിക്കറ്റ് കാര്‍ണിവല്‍ 24 × 7