ഓവല്‍ ക്രിക്കറ്റ് ടെസ്റ്റിന് മുന്‍പ് ഇന്ത്യക്കെതിരെ മന:ശാസ്ത്രപരമായ യുദ്ധം കടുപ്പിച്ച് ഇംഗ്ലീഷ് ക്യാപ്റ്റന്‍ ജോ റൂട്ട്. ഇന്ത്യയുടെ പരിചയസമ്പന്നനായ ഓഫ് സ്പിന്നര്‍ ആര്‍. അശ്വിന് ഉയര്‍ത്തുന്ന വെല്ലുവിളി അതിജീവിക്കാനുള്ള വിദ്യകള്‍ അറിയാമെന്ന് റൂട്ട്. ഓവലില്‍ അശ്വിനെ ഇന്ത്യ കളിപ്പിക്കാനുള്ള സാധ്യത കണക്കിലെടുത്താണ് റൂട്ട് ഇങ്ങനെ പറഞ്ഞത്.
അശ്വിന്റെ റെക്കോഡ് എല്ലാം വെളിവാക്കുന്നു. അദ്ദേഹം ലോകോത്തര കളിക്കാരനാണ്. ഇംഗ്ലണ്ടിനതിരെ അശ്വിന് റണ്‍സ് നേടുകയും വിക്കറ്റ് വീഴ്ത്തുകയും ചെയ്തിട്ടുണ്ട്. ടെസ്റ്റില്‍ അശ്വിന് എന്ത് സാധ്യമാകുമെന്ന് അറിയാം. അശ്വിന്റെ വെല്ലുവിളി ചെറുക്കാന്‍ വേണ്ടത്ര തയാറടുപ്പ് നടത്തിയെന്ന് ഉറപ്പുവരുത്തും- റൂട്ട് പറഞ്ഞു.
എല്ലാ തരത്തിലെ കണക്കുകളും സാഹചര്യങ്ങളും പരിശോധിക്കുന്നുണ്ട്. ഇന്ത്യയുടെ ആക്രമണത്തെ നിര്‍വീര്യമാക്കാനുള്ള പദ്ധതികള്‍ ഇംഗ്ലണ്ടിന്റെ പക്കലുണ്ടെന്ന് ഉറപ്പുവരുത്തും. എന്നാല്‍ പരമ്പരയുടെ പകുതിയില്‍വച്ച് ഒന്നും അനായാസമല്ല. ഇന്ത്യന്‍ ബൗളിംഗിനെ സമ്മര്‍ദ്ദത്തിലാക്കുകയും അവരെ തിരിച്ചുവരാന്‍ അനുവദിക്കാതിരിക്കുകയുമാണ് ലക്ഷ്യമെന്നും റൂട്ട് വ്യക്തമാക്കി.
Read more
