ഐപിഎലിൽ ഇന്നലെ നടന്ന മത്സരത്തിൽ മുംബൈ ഇന്ത്യൻസിനെ 7 വിക്കറ്റുകൾക്ക് പരാജയപ്പെടുത്തി പഞ്ചാബ് കിങ്സ്. ഇതോടെ പോയിന്റ് പട്ടികയിൽ ഒന്നാം സ്ഥാനത്തെത്താൻ ടീമിന് സാധിച്ചു. പ്രഭ്സിമ്രാന്റെയും ക്യാപ്റ്റൻ ശ്രേയസ് അയ്യരുടെയും മികവിലാണ് പഞ്ചാബിന് വിജയികനായത്.
മത്സരത്തിൽ ഹാർദിക് പാണ്ഡ്യയെ പുറത്താക്കാൻ പഞ്ചാബ് താരം ശ്രേയസ് അയ്യർ എടുത്ത അത്ഭുത ക്യാച്ചാണ് ഇപ്പോൾ സോഷ്യൽ മീഡിയയിലെ പ്രധാന സംസാരവിഷയം. മുംബൈ ബാറ്റിംഗിനിടെ മാർക്കോ ജാൻസൺ എറിഞ്ഞ 18-ാം ഓവറിലെ മൂന്നാം പന്തിലായിരുന്നു സംഭവം. ക്രീസിൽ നന്നേ ബുദ്ധിമുട്ടിയ ഹാർദിക് പാണ്ഡ്യ ഒരു കൂറ്റനടിക്ക് ശ്രമിച്ചു. പന്ത് ബൗണ്ടറി കടക്കുമെന്ന് ഉറപ്പിച്ച നിമിഷം ലോംഗ്-ഓണിൽ നിന്ന് ഓടിയെത്തിയ ശ്രേയസ് അയ്യർ വായുവിൽ പറന്നുയർന്ന് പന്ത് കയ്യിലൊതുക്കി.
Read more
രോഹിത് ശർമ്മയും സൂര്യകുമാർ യാദവും ഉൾപ്പെടെയുള്ള മുംബൈ താരങ്ങൾ അവിശ്വസനീയതയോടെയാണ് ഈ പ്രകടനം നോക്കിനിന്നത്. മുംബൈയുടെ സ്കോർ 200 കടക്കുമെന്ന് തോന്നിച്ച ഘട്ടത്തിൽ ഈ ക്യാച്ചാണ് അവരെ പിടിച്ചുകെട്ടിയതെന്ന് മത്സരശേഷം അയ്യർ തമാശരൂപേണ പറഞ്ഞു.
