ടി20 ലോക കപ്പ് അടുത്തിരിക്കെ ചീഫ് സെലക്ടര്‍ ചേതന്‍ ശര്‍മയോട് ശക്തമായ ഒരു അഭ്യര്‍ത്ഥനയുമായി മുന്‍ ചീഫ് സെലക്ടര്‍ കെ. ശ്രീകാന്ത്. ഇന്ത്യ ടി20 ലോക കപ്പ് ടീമിലേക്ക് അര്‍ഷ്ദീപ് സിംഗിനെ തിരഞ്ഞെടുക്കണമെന്നും അല്ലെങ്കില്‍ നിങ്ങള്‍ ഖേദിക്കേണ്ടി വരുമെന്നുമാണ് ശ്രീകാന്ത് പറഞ്ഞിരിക്കുന്നത്.
‘ടി20യിലെ ഭാവി ലോക ഒന്നാം നമ്പര്‍ താരം അവന്‍ ആയിരിക്കും. അവന്‍ മികച്ച പ്രകടനമാണ് കാഴ്ചവയ്ക്കുന്നത്. അര്‍ഷ്ദീപ് സിംഗ്! ഇത് നോട്ട് ചെയ്യൂ. അവന്‍ ടി20 ലോക കപ്പ് ടീമിലുണ്ടാകണം. ചേദൂ, ദയവായി അവന്റെ പേരും ഉള്‍പ്പെടുത്തു’ ശ്രീകാന്ത് പറഞ്ഞു.
വെസ്റ്റ് ഇന്‍ഡീസിനെതിരായ ടി20 പരമ്പരയില്‍ 23-കാരന്‍ മികച്ച പ്രകടനമാണ് നടത്തിയത്. രണ്ടാം ടി20യില്‍ ആതിഥേയര്‍ക്കെതിരായ അവസാന ഓവറിലും അദ്ദേഹം നന്നായി ബോള്‍ ചെയ്തു. ഇടങ്കയ്യന്‍ പേസര്‍ ഡെത്ത് ഓവറുകളില്‍ മാത്രമല്ല, പവര്‍ പ്ലേയിലെ ലൈനിലും ലെങ്തിലും മികച്ചതാണ്.
Read more
വിന്‍ഡീസിനെതിരായ മൂന്ന് ടി20 മത്സരങ്ങളില്‍ നിന്ന് ഓവറിന് 6.92 റണ്‍സ് എന്ന ഇക്കോണമി നിരക്കില്‍ അര്‍ഷ്ദീപ് നാല് വിക്കറ്റ് വീഴ്ത്തി. താരം ആകെ എറിഞ്ഞ് 11.3 ഓവര്‍ 33 ഡോട്ട് ബോളുകള്‍ ഉണ്ട് എന്നതാണ് ശ്രദ്ധേയം.
