ഓസ്ട്രേലിയയില് വെച്ച് ഈ വര്‍ഷം നടക്കാനിരിക്കുന്ന ടി20 ലോകകപ്പിനുള്ള ഇംഗ്ലണ്ട് ടീമിനെ പ്രഖ്യാപിച്ചു. ജോസ് ബട്ട്‌ലറിനെ നായകനാക്കി 18 അംഗ ടീമിനെയാണ് പ്രഖ്യാപിച്ചിരിക്കുന്നത്. വെടിക്കെട്ട് ഓപ്പണര്‍ ജേസണ്‍ റോയി ഫോം നഷ്ടം മൂലവും വിക്കറ്റ് കീപ്പര്‍ ബാറ്റര്‍ ജോണി ബെയര്സ്റ്റോ പരുക്കുമൂലവും ടീമിന് പുറത്തായി.
ഇന്നലെ ലീഡ്‌സില്‍ ഗോള്‍ഫ് കളിക്കുന്നതിനിടെയാണ് ബെയര്‍‌സ്റ്റോയ്ക്കു പരുക്കേറ്റത്. ടെസ്റ്റ് നായകനും സ്റ്റാര്‍ ഓള്‍റൗണ്ടറുമായ ബെന്‍ സ്റ്റോക്സ് ടീമിലേക്കു തിരിച്ചെത്തി. ഫാസ്റ്റ് ബോളര്‍മാരായ മാര്‍ക്ക് വുഡും ക്രിസ് വോക്‌സും ടീമില്‍ മടങ്ങിയെത്തി.
ഇംഗ്ലണ്ടിന്റെ ടി20 ലോകകപ്പ് ടീം: ജോസ് ബട്ട്‌ലര്‍ (ക്യാപ്റ്റന്‍), മൊയിന്‍ അലി, ജോണി ബെയര്സ്റ്റോ, ഹാരി ബ്രൂക്ക്, സാം കറെന്‍, ക്രിസ് ജോര്‍ദാന്‍, ലിയാം ലിവിംഗ്സ്റ്റണ്‍, ഡേവിഡ് മലാന്‍, ആദില്‍ റഷീദ്, ഫില്‍ സാള്‍ട്ട്, ബെന്‍ സ്റ്റോക്സ്, റീസ് ടോപ്ലേ, ഡേവിഡ് വില്ലി, ക്രിസ് വോക്സ്, മാര്‍ക്ക് വുഡ്.
റിസര്‍വ് താരങ്ങള്‍- ലിയാം ഡോസണ്‍, റിച്ചാര്‍ഡ് ഗ്ലീസണ്‍, ടൈമല്‍ മില്‍സ്.
Read more
ടി20 ലോകകപ്പിനു മുമ്പ് ഓസ്ട്രേലിയയില് മൂന്നു ടി20കളുടെ പരമ്പര ഇംഗ്ലണ്ട് കളിക്കുന്നുണ്ട്. ഒക്ടോബര്‍ ഒമ്പതു മുതല്‍ 14 വരെയാണ് പരമ്പര.
