ഇപ്പോൾ നടക്കാൻ പോകുന്ന ഐപിഎലിൽ കിരീടം നേടാൻ ഏറ്റവും സാധ്യതയുള്ള ടീമാണ് മുംബൈ ഇന്ത്യൻസ്. ഇന്ത്യൻ ടീമിലെ വെടിക്കെട്ട് ബാറ്റ്സ്മാന്മാരും ബോളർമാരും അടങ്ങുന്ന ടീമായ മുംബൈ, ഐപിഎലിൽ 6 ആം തവണ കിരീടം നേടുന്ന ആദ്യ ടീമാകുക എന്ന ലക്ഷ്യത്തിനാണ് പ്രയത്നിക്കുന്നത്.
ഇപ്പോഴിതാ പുതിയ സീസണില് മുംബൈ ഇന്ത്യന്സിന്റെ ക്യാപ്റ്റന് സ്ഥാനം ഹാര്ദിക് പാണ്ഡ്യ ഒഴിഞ്ഞുകൊടുക്കണമെന്നും പകരം ടി20 ലോകകപ്പ് ജേതാവായ സൂര്യകുമാര് യാദവിനെ നായകനാക്കണമെന്നും പറഞ്ഞിരിക്കുകയാണ് മുന് ഇന്ത്യന് ക്യാപ്റ്റനും ചീഫ് സെലക്ടറുമായിരുന്ന കെ ശ്രീകാന്ത്.
Read more
‘ഇതൊരു വിചിത്രമായ സാഹചര്യമാണ്. ഏതാനും ആഴ്ചകള്ക്ക് മുന്പാണ് സൂര്യകുമാറിന്റെ ക്യാപ്റ്റന്സിയില് ഇന്ത്യ ലോകകപ്പ് നേടിയത്. ഹാര്ദിക് പാണ്ഡ്യ മികച്ച കളിക്കാരനും ക്യാപ്റ്റനുമാണെന്നതില് തര്ക്കമില്ല. എന്നാല് മുംബൈ ഇന്ത്യന്സിലെ ആഭ്യന്തര പ്രശ്നങ്ങള് പരിഹരിക്കാന് ഹാര്ദിക് തന്നെ മുന്നോട്ടുവന്ന് ‘ഞാന് മാറിനില്ക്കാം, സൂര്യ നയിക്കട്ടെ’ എന്ന് പറയണം’ ശ്രീകാന്ത് പറഞ്ഞു.
