ഓസ്‌ട്രേലിയക്കെതിരായ ഏകദിന ക്രിക്കറ്റ് പരമ്പരയിലെ ആദ്യ മത്സരത്തിന് ഒരു ദിവസം മാത്രം അവശേഷിക്കെ ഇന്ത്യന്‍ വനിതാ ക്രിക്കറ്റ് ടീമിന് തിരിച്ചടിയായി സൂപ്പര്‍ താരം ഹര്‍മന്‍പ്രീത് കൗറിന്റെ പരിക്ക്. വിരലിന് പരിക്കേറ്റ ഹര്‍മന്‍പ്രീത് ആദ്യ മത്സരത്തിനുണ്ടാവില്ലെന്ന് കോച്ച് രമേശ് പവാര്‍ സ്ഥിരീകരിച്ചു. നാളെയാണ് ഇന്ത്യയും ഓസ്‌ട്രേലിയയും തമ്മിലെ ഒന്നാം ഏകദിനം.
ട്വന്റി20 ടീമിന്റെ ക്യാപ്റ്റന്‍ കൂടിയായ ഹര്‍മന്‍പ്രീതിന്റെ വിരലിന് പരിശീലനത്തിനിടെയാണ് പരിക്കേറ്റത്. ഇപ്പോഴത്തെ സാഹചര്യത്തില്‍ താരത്തിന്റെ പരിക്ക് ഭേദമാകാന്‍ ഏതാനും ദിവസങ്ങള്‍കൂടി വേണ്ടിവരും. അതേസമയം, മധ്യനിരയിലെ സൂപ്പര്‍ ബാറ്റ്‌സ്‌വുമണ്‍ ജെമീമ റോഡ്രിഗസിന്റെ ഏകദിന ലോക കപ്പ് ടീം പ്രവേശനം ഇപ്പോഴും തുലാസിലാണെന്ന സൂചനയാണ് രമേശ് പവാര്‍ നല്‍കിയത്. ജമീമയ്ക്ക് ടീമില്‍ ഇടം ലഭിക്കാനും ലഭിക്കാതിരിക്കാനും സാദ്ധ്യതയുണ്ടെന്ന് പവാര്‍ പറഞ്ഞു.
ഇംഗ്ലണ്ട് പര്യടനത്തില്‍ ഇന്ത്യക്കായി ജമീമ തിളങ്ങിയിരുന്നില്ല. എന്നാല്‍ ദ ഹണ്ട്രഡ് ക്രിക്കറ്റില്‍ ജമീമ മിന്നുംപ്രകടനം കാഴ്ച്ചവെച്ചിരുന്നു. യുവ ഓപ്പണര്‍ ഷഫാലി വര്‍മ്മയുടെ ഫോമില്‍ പവാര്‍ തൃപ്തി അറിയിച്ചിട്ടുണ്ട്.
Read more
