ഐപിഎല്‍ പതിനേഴാം പതിപ്പിന് മുന്നോടിയായി തന്റെ പ്രിയപ്പെട്ട ഐപിഎല്‍ ടീം ഏതെന്ന് വെളിപ്പെടുത്തി ഇംഗ്ലണ്ട് പേസ് ഇതിഹാസം സ്റ്റുവര്‍ട്ട് ബ്രോഡ്. വരാനിരിക്കുന്ന സീസണിന് മുന്നോടിയായി, ബ്രോഡ് തന്റെ ഇംഗ്ലീഷ് സുഹൃത്തുക്കളും അവരുടെ പിങ്ക് കിറ്റും കാരണം ഉദ്ഘാടന ചാമ്പ്യന്‍മാരായ രാജസ്ഥാന്‍ റോയല്‍സിനെ തന്റെ പ്രിയപ്പെട്ട ടീമായി തിരഞ്ഞെടുത്തു.
എന്റെ സുഹൃത്തുക്കള്‍ എവിടെ കളിച്ചാലും അവരെ പിന്തുണയ്ക്കാന്‍ ഞാന്‍ ശ്രമിക്കാറുണ്ട്. ജോസ് ബട്ട്ലറും ജോഫ്ര ആര്‍ച്ചറും കളിക്കുന്ന രാജസ്ഥാന്‍ റോയല്‍സിനെ ഞാന്‍ ഇഷ്ടപ്പെടുന്നു. പിന്നെ എനിക്കും പിങ്ക് കിറ്റ് ഇഷ്ടമാണ്- റോയല്‍സ് പങ്കിട്ട ഒരു വീഡിയോയില്‍ ബ്രോഡ് പറഞ്ഞു.
Met up with @StuartBroad8 recently 💗🫡 pic.twitter.com/QWFzHxujF2
— Rajasthan Royals (@rajasthanroyals) February 29, 2024
2023-ല്‍ അന്താരാഷ്ട്ര ക്രിക്കറ്റില്‍ നിന്ന് വിരമിച്ച ബ്രോഡ്, 2011-12-ല്‍ പഞ്ചാബ് കിംഗ്സിനൊപ്പം (അന്നത്തെ കിംഗ്സ് ഇലവന്‍ പഞ്ചാബ്) രണ്ട് സീസണുകളില്‍ മാത്രം കളിച്ചതിനാല്‍, ഐപിഎല്ലില്‍ വലിയ പരിചയമില്ല. അന്ന് ഒമ്പത് മത്സരങ്ങള്‍ മാത്രമാണ് ബ്രോഡിന് കളിക്കാനായത്. പരിക്ക് കാരണം അടുത്ത വര്‍ഷം അദ്ദേഹം ടീമില്‍ നിന്ന് പുറത്തായി.
ബ്രോഡിന്റെ സുഹൃത്തുക്കളായ ജോസ് ബട്ട്ലറിനെയും ജോഫ്ര ആര്‍ച്ചറിനെയും കുറിച്ച് പറയുമ്പോള്‍, അവര്‍ ലീഗില്‍ മികച്ച പ്രകടനമാണ് കാഴ്ചവയ്ക്കുന്നത്. 96 മത്സരങ്ങളില്‍ നിന്ന് അഞ്ച് സെഞ്ച്വറികളുള്‍പ്പെടെ 3223 റണ്‍സാണ് ബട്ട്ലറുടെ സമ്പാദ്യം. ജോസ് ആദ്യം 2016-17 സീസണില്‍ മുംബൈ ഇന്ത്യന്‍സിനെ പ്രതിനിധീകരിച്ചു. പിന്നീട് 2018 ല്‍ റോയല്‍സിലേക്ക് മാറി.
Read more
അതേസമയം, ആര്‍ച്ചര്‍ 2018-21 വരെ റോയല്‍സിനൊപ്പമായിരുന്നു, എന്നാല്‍ പിന്നീട് 2022-ല്‍ യിലേക്ക് മാറി. എന്നിരുന്നാലും, കൈമുട്ടിന് പരിക്കേറ്റതിനാല്‍ അദ്ദേഹം മിക്കവാറും കളിക്കളത്തിന് പുറത്തായിരുന്നു.
