ഐപിഎലിൽ ഇന്നലെ നടന്ന മത്സരത്തിൽ സൺ റൈസേഴ്സ് ഹൈദരാബാദിന് ജയം. 47 റൺസിനാണ് ഡൽഹി ക്യാപിറ്റൽസിനെ പരാജയപ്പെടുത്തിയത്. സൺ റൈസേഴ്സിനായി വെടിക്കെട്ട് സെഞ്ചുറിയോടെ അഭിഷേക് ശർമ്മ തിളങ്ങി. ഹൈദരാബാദ് ഉയർത്തിയ 242 റൺസ് ടോട്ടൽ ലക്ഷ്യമിട്ട ഡൽഹിക്ക് 20 ഓവറിൽ ഒമ്പത് വിക്കറ്റ് നഷ്ടത്തിൽ 195 റൺസ് മാത്രമേ നേടാനായുള്ളൂ.
അഭിഷേക് ശർമയുടെ അപരാജിത സെഞ്ച്വറിയും ഹെൻഡ്രിച്ച് ക്ലാസന്റെ കാമിയോയുമാണ് എസ് ആർ എച്ചിന് കൂറ്റൻ ടോട്ടൽ സമ്മാനിച്ചത്. 68 പന്തിൽ പത്ത് വീതം സിക്സറും ഫോറുകളും അടക്കം 135 റൺസാണ് അഭിഷേക് നേടിയത്.13 പന്തിൽ മൂന്ന് സിക്സറും ഫോറുകളും അടക്കം പുറത്താകാതെ ക്ലാസൻ 37 റൺസ് നേടി. ട്രാവിസ് ഹെഡ് 37 റൺസും ക്യാപ്റ്റൻ ഇഷാൻ കിഷൻ 25 റൺസും നേടി.
Read more
ഡൽഹി ക്യാപിറ്റൽസിനു വേണ്ടി കെ എൽ രാഹുൽ 37 റൺസും നിതീഷ് റാണ 57 റൺസുമാണ് നേടിയത്. ശേഷം 41 റൺസുമായി സമീർ റിസ്വിയും 27 റൺസുമായി ട്രിസ്റ്റൻ സ്റ്റബ്സും പിടിച്ചുനിന്നെങ്കിലും വിജയിക്കാൻ സാധിച്ചിരുന്നില്ല.
