ഇപ്പോൾ നടക്കുന്ന ടി 20 ലോകകപ്പ് ഫൈനലിൽ ഇന്ത്യക്കായി വെടിക്കെട്ട് അർധ സെഞ്ചുറി നേടി മലയാളി താരം സഞ്ജു സാംസൺ. അടുപ്പിച്ച് മൂന്നാം മത്സരത്തിലും തകർപ്പൻ പ്രകടനമാണ് സഞ്ജു നടത്തുന്നത്. 35 പന്തിൽ 4 ഫോറും 5 സിക്സും അടക്കം 62* റൺസാണ് സഞ്ജു അടിച്ചെടുത്തത്. ടോസ് നഷ്ടപെട്ട ബാറ്റിംഗിനിറങ്ങിയ ഇന്ത്യക്കായി മികച്ച തുടക്കമാണ് അഭിഷേക്-സഞ്ജു സഖ്യം നൽകിയത്.
ഓപ്പണർ അഭിഷേക് ശർമ്മ 21 പന്തിൽ 6 ഫോറും 3 സിക്സുമായി 55 റൺസാണ് അടിച്ചെടുത്തത്. നിലവിൽ ഇഷാൻ കിഷനും സഞ്ജുവുമാണ് ക്രീസിൽ ഉള്ളത്. കിഷൻ 13 പന്തിൽ 33* റൺസ് നേടി തുടരുന്നു. നിലവിൽ 12 ഓവർ പൂർത്തിയായപ്പോൾ 161 നു ഒരു വിക്കറ്റ് നഷ്ടം എന്ന നിലയിലാണ് ഇന്ത്യ.
Read more
ഇന്ത്യ പ്ലേയിങ് ഇലവൻ: സഞ്ജു സാംസണ് (വിക്കറ്റ് കീപ്പര്), അഭിഷേക് ശര്മ, ഇഷാന് കിഷന്, സൂര്യകുമാര് യാദവ് (ക്യാപ്റ്റന്), ഹാര്ദിക് പാണ്ഡ്യ, തിലക് വര്മ്മ, ശിവം ദുബെ, അക്സര് പട്ടേല്, അര്ഷ്ദീപ് സിങ്, വരുണ് ചക്രവര്ത്തി, ജസ്പ്രീത് ബുംറ.
