ഐപിഎലില്‍ ചെന്നൈ സൂപ്പര്‍ കിംഗ്‌സ് ക്യാപ്റ്റന്‍ എംഎസ് ധോണിയുടെ ഭാവിയെ കുറിച്ച് തുറന്നുപഞ്ഞ് മുന്‍ ഇന്ത്യന്‍ താരം റോബിന്‍ ഉത്തപ്പ. 44കാരനായ ധോണി ഈ സീസണിലെ എല്ലാ മത്സരങ്ങളിലും ചെന്നൈക്കായി കളിച്ചിരുന്നു. കൂടാതെ റിതുരാജ് ഗെയ്ക്വാദ് പരിക്കേറ്റ് പുറത്തായ ശേഷം ടീമിന്റെ നായകസ്ഥാനവും ധോണി ഏറ്റെടുത്തു. ഇപ്പോഴും ക്രിക്കറ്റിനോടുളള ആവേശം താരത്തിന് കുറഞ്ഞിട്ടില്ല. ഇനിയും ഐപിഎലില്‍ കളിക്കണമെന്ന ആഗ്രഹത്തില്‍ നില്‍ക്കുകയാണ് ധോണി.
അടുത്ത വര്‍ഷം കളിക്കുമോയെന്ന കാര്യത്തില്‍ അദ്ദേഹത്തിന്റെ ഭാഗത്തുനിന്നും ഇതുവരെ പ്രതികരണമൊന്നും ഉണ്ടായിട്ടില്ല. ഇതെല്ലാം അവന്റെ ആരോഗ്യത്തെയും അവന്റെ തോന്നലുകളെയും ആശ്രയിച്ചിരിക്കുന്നു എന്ന് ഉത്തപ്പ പറയുന്നു. “ധോണി ശരിക്കും കളിക്കാന്‍ ആഗ്രഹിക്കുന്നുവെന്ന് നിങ്ങള്‍ മനസ്സിലാക്കണം. ഇപ്പോഴും അവന്റെ ഉളളില്‍ ആ തീ ഉണ്ട്. പോസ്റ്റ് മാച്ച് പ്രസന്റേഷനില്‍ അദ്ദേഹം പറഞ്ഞതില്‍ നിന്ന്, ചാമ്പ്യന്‍ഷിപ്പുകള്‍ നേടാനും മധ്യനിരയില്‍ കളിക്കാനും ഇപ്പോഴും അദ്ദേഹത്തിനുളളില്‍ ആ തീയുണ്ടെന്ന് വ്യക്തമാണ്.
Read more
ഇനിയെല്ലാം തിരിച്ചുപോയി അടുത്ത ഐപിഎല്ലിനായി അവന്‍ ആഗ്രഹിക്കുന്ന നിലവാരത്തിലേക്ക് ശരീരത്തെ കൊണ്ടുവരാന്‍ പരിശ്രമിക്കുന്നതിനെക്കുറിച്ചാണ്. അത് സംഭവിച്ചില്ലെങ്കില്‍, മിനിലേലത്തിന് മുമ്പ് അവന്‍ ആ കാര്യം തീരുമാനിക്കും. ഇല്ലെങ്കില്‍, നിങ്ങള്‍ ഒരു ട്വീറ്റോ ഇന്‍സ്റ്റാഗ്രാം പോസ്‌റ്റോ കാണും,’ ഉത്തപ്പ പറഞ്ഞു.
