ടി20ക്ക് പിന്നാലെ ടെസ്റ്റിൽ നിന്നും വിരമിക്കൽ പ്രഖ്യാപിച്ചെങ്കിലും രോഹിത് ശർമ്മയെയും വിരാട് കോഹ്‍ലിയെയും ബിസിസിഐ എ പ്ലസ് വാർഷിക കരാറിൽ തന്നെ നിലനിർത്തും. ജഡേജയും ബുംറയും ഉൾപ്പെടുന്ന എ പ്ലസ് വാർഷിക കരാർ അടുത്തിടെയാണ് ബിസിസിഐ പ്രഖ്യാപിച്ചത്. ടെസ്റ്റിൽ നിന്നും ഇരുവരും വിരമിച്ച സാഹചര്യത്തിൽ എ പ്ലസ് കാറ്റഗറിയിൽ നിന്നും ഇവരെ മാറ്റുമോ എന്ന ചോദ്യം ഉണ്ടായിരുന്നു.
ബിസിസിഐ സെക്രട്ടറി ദേവജിത് സൈക്കി വിരമിച്ചെങ്കിലും എല്ലാ ആനുകൂല്യങ്ങളും കിട്ടുന്ന എ പ്ലസ് കാറ്റഗറിയിൽ തന്നെ തുടരും എന്ന് അറിയിച്ചിട്ടുണ്ട്. വെറും 5 ദിവസങ്ങളുടെ വ്യത്യാസത്തിലാണ് കോഹ്‌ലിയും രോഹിതും ടെസ്റ്റിൽ നിന്ന് വിരമിക്കൽ പ്രഖ്യാപിച്ചത്. ഇത് ഏവരെയും ഞെട്ടിച്ചിരുന്നു.
എന്തായാലും 2027 ഏകദിന ലോകകപ്പ് എന്ന വലിയ ലക്‌ഷ്യം മാത്രം ഇനി മുന്നിൽ ഉള്ള കോഹ്‌ലി- രോഹിത് ജോഡികളെ വെറുപ്പിക്കാൻ ബിസിസിഐ ആഗ്രഹിക്കുന്നില്ല. അതിനാൽ തന്നെയാണ് 2 ഫോർമാറ്റിൽ നിന്നും വിരമിക്കൽ പ്രഖ്യാപിച്ചപ്പോൾ പോലും ഈ താരങ്ങൾക്ക് എല്ലാ ആനുകൂല്യവും ബിസിസിഐ നൽകുന്നത്. ഇതിൽ സമീപകാലത്ത് ഐസിസി ചാമ്പ്യൻസ് ട്രോഫി, ടി 20 ലോകകപ്പ് തുടങ്ങിയവ ജയിച്ച ഇന്ത്യക്ക് ഇനി ബാക്കിയുള്ളത് ഏകദിന ലോകകപ്പ് മാത്രമാണ്. അത് നേടണം എങ്കിൽ ഇവരെ ടീമിന് ആവശ്യമാണ്.
Read more
അതേസമയം ഏകദിനത്തിലും ഇന്ത്യൻ പ്രീമിയർ ലീഗിലും മാത്രം ഇനി കളിക്കുന്ന രോഹിത്- കോഹ്‌ലി ജോഡികൾ കൂടുതലായി കുടുംബത്തിനൊപ്പം സമയം ചിലവഴിക്കാൻ ആഗ്രഹിക്കുന്നു.
