ഐപിഎലിൽ ഇന്നലെ നടന്ന മത്സരത്തിൽ പഞ്ചാബ് കിങ്സിനോട് ചെന്നൈ സൂപ്പർ കിങ്സ് പരാജയപ്പെട്ടിരുന്നു. ബോളിങ്ങിൽ മോശമായ പ്രകടനം നടത്തിയത് മൂലമാണ് ചെന്നൈക്ക് വിജയിക്കാൻ സാധിക്കാതെ പോയത്. തോൽവിയെ കൂടാതെ ചെന്നൈ ആരാധകർക്ക് നിരാശ സമ്മാനിച്ച മറ്റൊരു കാരണം മലയാളി താരം സഞ്ജുവിന്റെ മോശം പ്രകടനമാണ്.
എന്നാൽ ടീമില് സഞ്ജുവിന്റെ സാന്നിധ്യം ഋതുരാജിനെ അസ്വസ്ഥനാക്കുന്നുവെന്നാണ് മുന് താരങ്ങളായ മൈക്കല് വോണും സൈമണ് ഡൂളും പറയുന്നത്. ‘ക്രിക്ബസി’ല് നടന്ന ചര്ച്ചയിലാണ് ഇരുവരും പ്രതികരിച്ചത്. ഗെയ്ക്വാദിന് സഞ്ജുവിനെ ഭയമുണ്ടോ?, തന്റെ നായകസ്ഥാനത്തിന് സഞ്ജു ഒരു ഭീഷണിയാണെന്ന് അദ്ദേഹത്തിന് തോന്നുന്നുണ്ടോ? എന്ന മൈക്കല് വോണിന്റെ ചോദ്യത്തിന് തീര്ച്ചയായും എന്നായിരുന്നു സൈമണ് ഡൂളിന്റെ മറുപടി.
Read more
ദീര്ഘകാലം ടീമിനെ നയിച്ച വിക്കറ്റ് കീപ്പര്-ക്യാപ്റ്റനായ ധോണിക്ക് പകരക്കാരനായി സഞ്ജുവിനെപ്പോലെ പരിചയസമ്പന്നനായ ഒരു നായകനെ കൊണ്ടുവന്നത് ഗെയ്ക്വാദിന് സമ്മര്ദ്ദമുണ്ടാക്കുമെന്ന് മൈക്കല് വോണും പറഞ്ഞു. നീയാണ് നായകന്, ഞങ്ങള് നിന്നെ പിന്തുണയ്ക്കുന്നു എന്ന് പറയുന്നതോടൊപ്പം തന്നെ സഞ്ജുവിനെപ്പോലൊരു മികച്ച ക്യാപ്റ്റനെയും വിക്കറ്റ് കീപ്പറെയും ടീമിലെത്തിക്കുന്നത് ഗെയ്ക്വാദിനെ തിരിഞ്ഞുനോക്കാന് പ്രേരിപ്പിക്കുമെന്നും വോണ് കൂട്ടിച്ചേര്ത്തു.
