ഇന്ത്യന്‍ പ്രീമിയര്‍ ലീഗില്‍ ഒരു ഇന്ത്യക്കാരന് ലഭിക്കുന്ന ഏറ്റവും ഉയര്‍ന്ന തുക പോര്‍ബന്ദര്‍ താരം ജയ്ദീപ് ഉനദ്കട്ട് തന്റെ ലേല തുക വര്‍ധിച്ചതിന് പിന്നിലെ കാരണം വെളിപ്പെടുത്തി . മികച്ച പ്രകടനം കഴിഞ്ഞ വര്‍ഷം നടത്താന്‍ സാധിച്ചിരുന്നു. അതു കൊണ്ട് മഹി ഭായിയും സ്റ്റീവ് സ്മിത്തും എന്നെ ടീമില്‍ ഉള്‍പ്പെടുത്താന്‍ ശ്രമിക്കുമെന്ന് അറിയമായിരുന്നു. പക്ഷേ ഇത്രയും വലിയ തുകയ്ക്ക് എനിക്ക് വേണ്ടി ലേലം വിളിച്ചത് അതിശയിപ്പിച്ചുവെന്നു ഉനദ്കട് പറഞ്ഞു.
11.5 കോടി രൂപയ്ക്കാണ് രാജസ്ഥാന്‍ റോയല്‍സ് ഇന്ത്യന്‍ പേസറെ സ്വന്തമാക്കിയത്. ട്വന്റി20 മത്സരങ്ങളിലുള്ള മികച്ച റെക്കോര്‍ഡാണ് വന്‍ തുക നല്‍കി രാജസ്ഥാന്‍ റോയല്‍സ് ഉനദ്കട്ടിനെ സ്വന്തമാക്കിയതിന് പിന്നില്‍.
കഴിഞ്ഞ വര്‍ഷം ശ്രീലങ്കയ്ക്കെതിരേ നടന്ന ട്വന്റ20 മത്സരത്തില്‍ ഉജ്വല പ്രകടനം കാഴ്ചെവച്ച ഉനദ്കട്ട് കഴിഞ്ഞ സീസണില്‍ റൈസിങ് പൂനെ സൂപ്പര്‍ ജയന്റ്സിന്റെ താരമായിരുന്നു. താരത്തിന്റെ അടിസ്ഥാനവില 1.5 കോടിയായിരുന്നു. ഇതുവരെ ഏഴ് ഏകദിനങ്ങളും ഒരു ടെസ്റ്റും 4 ട്വന്റി20യും ഇന്ത്യന്‍ കുപ്പായത്തിലിറങ്ങിയ താരത്തിനായി ചെന്നൈ സൂപ്പര്‍ കിങ്സ്, കിങ്സ് ഇലവന്‍ പഞ്ചാബ് എന്നീ ടീമുകളാണുണ്ടായിരുന്നത്.
Read more
ഇന്ത്യയുടെ അണ്ടര്‍ 19 ലോകപ്പ് താരമായിരുന്ന ജയദേവ് ഉനദ്കട്ട് ഗുജറാത്തിലെ പോര്‍ബന്തറിലാണ് ജനിച്ചത്
