ഐപിഎല്ലിൽ പഞ്ചാബ് കിങ്സിന് കിട്ടിയത് വമ്പൻ തിരിച്ചടി. വിരലിന് പരിക്കേറ്റ ഓസ്ട്രേലിയൻ ഓൾറൗണ്ടർ ഗ്ലെൻ മാക്സ്വെല്ലിന് സീസണിലെ അവശേഷിക്കുന്ന മത്സരങ്ങൾ നഷ്ടമാകും. ചെന്നൈ സൂപ്പർ കിങ്സിനെതിരായ മത്സരത്തിന് മുമ്പ് പഞ്ചാബ് കിങ്സ് നായകൻ ശ്രേയസ് അയ്യർ തന്നെയാണ് ഇക്കാര്യം സ്ഥിരീകരിച്ചത്. മാക്സ്വെല്ലിന് പകരക്കാരനെ ഇനിയും നിശ്ചയിച്ചിട്ടില്ലാ എന്നാണ് ശ്രേയസ് അയ്യർ പറഞ്ഞത്.
ഇപ്പോൾ നടക്കുന്ന മത്സരത്തിൽ ചെന്നൈക്കെതിരെ പഞ്ചാബിന്റെ വിജയലക്ഷ്യം 191 റൺസാണ്. ബോളിങ്ങിൽ പഞ്ചാബിനായി യുസ്വേന്ദ്ര ചഹൽ 4 വിക്കറ്റുകളും, അർശ്ദീപ് സിങ്, മാർക്കോ യാൻസെൻ എന്നിവർ രണ്ട് വിക്കറ്റുകളും, അസ്മതുള്ളാ ഒമാർസെ, ഹർപ്രീത് ബ്രാർ എന്നിവർ ഓരോ വിക്കറ്റുകളും നേടി.
ചെന്നൈക്ക് വേണ്ടി തകർപ്പൻ പ്രകടനം കാഴ്ച് വെച്ചിരിക്കുകയാണ് സാം കറൻ. 47 പന്തിൽ നിന്നായി 9 ഫോറും 4 സിക്സും അടക്കം 88 റൺസാണ് താരം നേടിയത്. സാമിന്റെ ബലത്തിലാണ് ടീം സ്കോർ 190 ഇൽ എത്തിയത്. കൂടാതെ ദേവാൾഡ് ബ്രെവിസ് 26 പന്തിൽ നിന്നായി 32 റൺസും നേടി. ബാക്കി വന്ന താരങ്ങൾ ആരും തന്നെ മികച്ച പ്രകടനം നടത്തിയില്ല.
Read more
