2021 ഇന്ത്യൻ പ്രീമിയർ ലീഗ് സീസണിൽ കൊൽക്കത്തയുടെ ഫൈനൽ പ്രവേശന വരെയുള്ള യാത്ര സുഖമമാക്കുവാൻ സഹായിച്ച താരമാണ് വെങ്കിടേഷ് അയ്യർ. വളരെ പെട്ടെന്നാണ് താരം ഫ്രെമിലേക്ക് വന്നത്. ആ സീസണിലെ പ്രകടനത്തിന്റെ അടിസ്ഥാനത്തിൽ താരം ഇന്ത്യൻ ടീമിലെത്തുകയും ചെയ്തു. എന്നാൽ കൊൽക്കത്ത ടീമിൽ കാണിച്ച മാസ് പ്രകടനമൊന്നും ഇന്ത്യൻ ടീമിൽ കാണിക്കാൻ പറ്റാതെ വന്നതോടെ താരം പുറത്തായി.
കഴിഞ്ഞ സീസണിലും അത്ര മികച്ച പ്രകടനമാണൊന്നും താരം പുറത്തെടുത്തില്ല. ഈ സീസണിലെ താരത്തിന്റെ ഒരു വിചിത്ര ബാറ്റിംഗ് രീതിയാണ് ഇപ്പോൾ ചർച്ചയാകുന്നത്. വൈകുന്നേരങ്ങളിൽ നടക്കുന്ന മത്സരങ്ങൾ അതായത് 3.30 ന് ആരംഭിക്കുന്ന മത്സരങ്ങളിൽ എല്ലാം താരം മികച്ച പ്രകടനമാണ് നടത്തുന്നത്. 34, 83, 104 എന്നിങ്ങനെയാണ് വൈകുന്നേരങ്ങളിൽ നടക്കുന്ന മത്സരങ്ങളിലെ സ്കോർ എങ്കിൽ രാത്രിയിൽ അത് 3, 7, 0 അങ്ങനെ പോകുന്നു.
Read more
ഇത് കണ്ടുപിടിച്ചതോടെ രാത്രിയിൽ നിനക്ക് കാഴ്ചക്ക് പ്രശ്‌നമുണ്ടോ എന്നൊക്കെയായി ട്രോളർമാരുടെ ചോദ്യങ്ങൾ. വെങ്കിക്ക് വേണ്ടി കൊൽക്കത്തയുടെ മത്സരങ്ങൾ എല്ലാം വൈകുന്നേരം നടത്താം എന്നും ആരാധകർ പറയുന്നുണ്ട്.
