ബോളിംഗ് വിഭാഗത്തിലെ സൂപ്പര്‍ താരങ്ങളില്‍ ഒരാള്‍ക്ക് ഐ.പി.എല്‍ പൂര്‍ണമായും ന്ഷ്ടപ്പെടും ; ലക്‌നൗ സൂപ്പര്‍ ജയന്റ്‌സിന് തിരിച്ചടി...!!

ഇന്ത്യന്‍ പ്രീമിയര്‍ ലീഗില്‍ കളി തുടങ്ങാന്‍ ദിവസങ്ങള്‍ മാത്രം ബാക്കി നില്‍ക്കേ ഐപിഎല്ലിലെ നവാഗതരായ ലക്‌നൗ സൂപ്പര്‍ജയന്റ്‌സിന് തിരിച്ചടി. ബൗളിംഗ് ഡിപ്പാര്‍ട്ട്‌മെന്റില്‍ അവരുടെ നെടുന്തൂണായ മാര്‍ക്ക് വുഡ് പരിക്കേറ്റു പുറത്തായി. കൈമുട്ടിന് പരിക്കേറ്റ താരത്തിന് ഐപിഎല്‍ പൂര്‍ണ്ണമായും നഷ്ടമാകും. കഴിഞ്ഞയാഴ്ച വെസ്റ്റിന്‍ഡീസിനെതിരേ നടന്ന ക്രിക്കറ്റ് പരമ്പരയിലെ ആദ്യ മത്സരത്തില്‍ കളിക്കുമ്പോഴായിരുന്നു താരത്തിന് പരിക്കേറ്റത്. താരത്തിന് പരിക്കേറ്റതായി ഇംഗളണ്ട് ആന്റ് വെയ്ല്‍സ് ക്രിക്കറ്റ് ബോര്‍ഡ് ലക്‌നൗ ഫ്രാഞ്ചൈസിയെ അറിയിച്ചു.

ഇത്തവണ ലക്‌നൗ ടീം 7.5 കോടി രൂപ മുടക്കി ടീമില്‍ എടുത്ത താരമായിരുന്നു വുഡ്. ഇതോടെ ലേലത്തില്‍ അണ്‍സോള്‍ഡായ ബൗളര്‍മാരിലേക്ക് ലക്‌നൗവിന്റെ കണ്ണ് എത്തിയിരിക്കുകയാണ്. മോയ്‌സ് ഹെന്റ്ിക്, കേയ്ന്‍ റിച്ചാര്‍ഡ്‌സണ്‍, ആന്‍ഡ്രൂ ടൈ എന്നിവരിലാണ് ലക്‌നൗ പകരക്കാരനെ തേടുന്നത്. വെസ്റ്റിന്‍ഡീസിനെതിരേയുള്ള പരമ്പരയില്‍ 17 ഓവറുകള്‍ എറിഞ്ഞ താരത്തിന്റെ കൈമുട്ടിനാണ് പരിക്കേറ്റിരിക്കുന്നത്. 2018 ല്‍ ചെന്നൈയ്ക്ക് വേണ്ടിയിറങ്ങിയ വുഡ്് അതിന് ശേഷം ഇത്തവണയാണ് ഐപിഎല്‍ കളിക്കാനെത്തുന്നത്.

തുടക്കത്തില്‍ തന്നെ ലക്‌നൗ കെ.എല്‍. രാഹുല്‍, മാര്‍ക്കസ് സ്‌റ്റോയിനിസ്, രവി ബിഷ്‌ണോയി എന്നിവരെയാണ് ലക്‌നൗ നിലനിര്‍ത്തിയത്. ഇറങ്ങൂന്ന ആദ്യ സീസണില്‍ തന്നെ മികച്ച പ്രകടനം നടത്താന്‍ കഴിയുന്ന വിധത്തിലുള്ള ടീമിനെയാണ് ലക്‌നൗ ആദ്യം തന്നെ സ്ജ്ജമാമാക്കിയത്. ബൗളിംഗ് ആക്രമണത്തിന്റെ കരുത്ത് കൂട്ടുന്നതിന്റെ ഭാഗമായിട്ടാണ് മാര്‍ക്ക് വുഡിനെ ടീമിലെടുത്തത്. പരക്കേറ്റതോടെ താരത്തിന് ഈ ഐപിഎല്‍ സീസണിലെ ഒരു കളിയില്‍ പോലും ഇറങ്ങാനാകില്ല.