ഇന്ത്യയ്ക്കെതിരായ ഒന്നാം ഏകദിനത്തിലെ പരാജയത്തെ തുടര്ന്ന് രണ്ടാം ഏകദിനത്തില് നിന്ന് വിട്ടുനിന്ന വിന്ഡീസ് നായകന് കീറോണ് പൊള്ളാര്ഡിനെ ട്രോളി സഹതാരവും ഉറ്റ സുഹൃത്തുമായ ഡ്വെയിന് ബ്രാവോ. പൊള്ളാര്ഡിനെ കാണ്മാനില്ലെന്ന് പറഞ്ഞാണ് ബ്രാവോയുടെ സോഷ്യല് മീഡിയ പോസ്റ്റ്.
‘പ്രായം: 34, ഉയരം: 1.85 മീറ്റര് അവസാനം കണ്ടത്: ചാഹലിന്റെ പോക്കറ്റില്, കണ്ടെത്തിയാല് ദയവായി വെസ്റ്റിന്ഡീസുമായി നിങ്ങള് ബന്ധപെടുക’ എന്നാണ് ബ്രാവോ സോഷ്യല് മീഡിയയില് പരിഹാസരൂപേണ പങ്കുവെച്ചത്. എന്തായാലും പോസ്റ്റ് ഇതിനോടകം സോഷ്യല് മീഡിയയില് വൈറലായി കഴിഞ്ഞു.
View this post on Instagram
ഒന്നാം ഏകദിനത്തില് ചാഹലിന്റെ പന്തില് ഗോള്ഡന് ഡക്കായാണ് പൊള്ളാര്ഡ് പുറത്തായത്. ചാഹലിന്റെ ഡെലിവറില് ഷോട്ടിന് ശ്രമിച്ച പൊള്ളാര്ഡ് ക്ലീന്ബൗള്ഡ് ആവുകയായിരുന്നു.
Read more
ഇന്ത്യ-വിന്ഡീസ് ഏകദിന പരമ്പരയിലെ മൂന്നാമത്തെയും അവസാനത്തെയും മത്സരം ഇന്ന് നടക്കും. ഇന്ത്യന് സമയം ഉച്ചയ്ക്ക് 1.30നാണ് മത്സരം ആരംഭിക്കുക. ആദ്യ രണ്ട് മത്സരവും ജയിച്ച് ഇന്ത്യ ഇതിനോടകം പരമ്പര ഉറപ്പാക്കിക്കഴിഞ്ഞു. എന്നാല് മൂന്നാം മത്സരം എങ്കിലും ജയിച്ച് വൈറ്റ് വാഷ് നാണക്കേട് ഒഴിവാക്കാനാണ് വിന്ഡീസിന്റെ ശ്രമം.