ഐ.പി.എല്ലില്‍ ഇതുവരെ കമന്ററി പറയാത്തതിന്റെ കാരണം വെളിപ്പെടുത്തി വെസ്റ്റന്‍ഡീസ് ഇതിഹാസം മൈക്കല്‍ ഹോള്‍ഡിംഗ്. താന്‍ ക്രിക്കറ്റിനെക്കുറിച്ച് മാത്രമേ കമന്ററി പറയാന്‍ ആഗ്രഹിക്കുന്നുള്ളൂവെന്നായിരുന്നു ഹോള്‍ഡിംഗിന്റെ മറുപടി. ടി20 ക്രിക്കറ്റിനെ താന്‍ ക്രിക്കറ്റായി കണക്കുകൂട്ടിയിട്ടില്ലെന്നാണ് ഇതിലൂടെ ഹോള്‍ഡിംഗ് വ്യക്തമാക്കിയത്.
വിന്‍ഡീസ് ക്രിക്കറ്റിന്റെ പതനം ടി20 ക്രിക്കറ്റിന് പിന്നാലെ പോകുന്നതിനാലാണെന്നും ഹോള്‍ഡിംഗ് സൂചിപ്പിച്ചു. ഇതില്‍ കളിക്കരെ പറഞ്ഞിട്ട് കാര്യമില്ലെന്നും അധികാരികളാണ് ഇതിന് ഉത്തരവാദികളെന്നും ഹോള്‍ഡിംഗ് തുറന്നടിച്ചു.
“പല വെസ്റ്റിന്‍ഡീസ് താരങ്ങള്‍ക്കും രാജ്യത്തിനായി കളിക്കാന്‍ താല്പര്യമില്ല. ആറ് ആഴ്ചത്തേക്ക് നിങ്ങള്‍ക്ക് 600,000 വും, 800,000 വും ഡോളര്‍ സമ്പാദിക്കാന്‍ സാധിക്കുകയാണെങ്കില്‍ നിങ്ങള്‍ എന്താണ് ചെയ്യുക.”
Read more
“ഞാന്‍ ക്രിക്കറ്റര്‍മാരെ കുറ്റപ്പെടുത്തുന്നില്ല. മറിച്ച് അധികാരികളാണ് ഇതിന് ഉത്തരവാദികള്‍. വെസ്റ്റിന്‍ഡീസ് ടി20 ടൂര്‍ണമെന്റുകള്‍ വിജയിക്കും. എന്നാല്‍ അത് ക്രിക്കറ്റല്ല” ഹോള്‍ഡിംഗ് പറഞ്ഞു.
