കാര്യവട്ടം ഗ്രീന്‍ഫീല്‍ഡ് അന്താരാഷ്ട്ര സ്റ്റേഡിയത്തില്‍ നടക്കുന്ന ഇന്ത്യ- ഓസ്ട്രേലിയ ടി-20 ക്രിക്കറ്റ് മത്സരത്തോടനുബന്ധിച്ച് ഇന്ന് ഉച്ചയ്ക്ക് 3 മണി മുതല്‍ രാത്രി 11 മണി വരെ നഗരത്തില്‍ ഗതാഗത നിയന്ത്രണമേര്‍പ്പെടുത്തി.
ആറ്റിങ്ങലില്‍ നിന്ന് ശ്രീകാര്യത്തേക്ക് വരുന്ന വലിയ വാഹനങ്ങള്‍ വെട്ടുറോഡ്-ചന്തവിള – കാട്ടായിക്കോണം – ചേങ്കോട്ടുകോണം – ചെമ്പഴന്തി – ശ്രീകാര്യം വഴി പോകണം. ഇതേ പാതയിലൂടെ വരുന്ന ചെറിയ വാഹനങ്ങള്‍ കഴക്കൂട്ടം ബൈപ്പാസ് റോഡിലൂടെ വന്ന് മുക്കോലയ്ക്കല്‍-കുളത്തൂര്‍-മണ്‍വിള – ചാവടിമുക്ക് വഴി പോകണം.
കഴക്കൂട്ടം ഭാഗത്തേക്ക് പോകേണ്ട ചെറിയ വാഹനങ്ങള്‍ ചാവടിമുക്കില്‍നിന്ന് തിരിഞ്ഞ് എന്‍ജിനിയറിംഗ് കോളേജ് – മണ്‍വിള – കുളത്തൂര്‍ – മുക്കോലയ്ക്കല്‍ വഴി പോകേണ്ടതാണ്. തിരുവനന്തപുരത്തുനിന്ന് ആറ്റിങ്ങല്‍ ഭാഗത്തേക്ക് പോകേണ്ട വലിയ വാഹനങ്ങള്‍ ഉള്ളൂരില്‍നിന്ന് തിരിഞ്ഞ് ആക്കുളം വഴി കുഴിവിള ബൈപ്പാസിലെത്തി പോകേണ്ടതാണ്.
പാര്‍ക്കിംഗ് സ്ഥലങ്ങള്‍.
ഗ്രീന്‍ഫീല്‍ഡ് സ്റ്റേഡിയം പാര്‍ക്കിംഗ് ഗ്രൗണ്ട്
കാര്യവട്ടം യൂണിവേഴ്സിറ്റി ക്യാമ്പസ്
അമ്പലത്തിന്‍കര മുസ്ലിം ജമാഅത്ത് ഗ്രൗണ്ട്
ഗവ: കോളേജ് കാര്യവട്ടം
ബി.എഡ് സെന്റര്‍ കാര്യവട്ടം
എല്‍.എന്‍.സി.പി.ഇ ഗ്രൗണ്ട്
Read more
ഗതാഗതക്രമീകരണവുമായി ബന്ധപ്പെട്ട കൂടുതല്‍ വിവരങ്ങള്‍ അറിയാന്‍ 9497930055, 9497987001, 9497990006, 9497990005 എന്നെ നമ്പറുകളില്‍ ബന്ധപ്പെടുക.
